Euskerea ikasteko laguntzak eskatzeko epea apirilaren 16ra arte egongo da zabalik

| Ikusi handiago | Argazki originala

Bilboko Udalak iragarri duenez, euskerea ikasteko laguntzak eskatzeko epea apirilaren 2tik 16ra arte egongo da zabalik. Horretarako oinarriak, hain zuzen be, Bizkaiko Aldizkari Ofizialean argitaratu dira. Bilboko Udalak herritar guztientzat bideratuko ditu 700.000 euro.

Ondokoak dira bete beharreko baldintzak: erroldauta egotea, gitxienez azpimaila bat gainditzea, % 60ko asistentzia eta erakunde publikoakaz zorrik ez izatea. Moltsoa agortu arte emongo dira dirulaguntzak. Holan, baldintza horreek beteten dituen bilbotar guztiek aukerea izango dabe dirulaguntza bat eskatzeko Bilboko zein Bilbotik kanpoko homologautako edozein euskaltegitan euskera-ikastaroren bat egin izanagaitik. Aitatu 700.000 euroak eskatzaile guztien artean banatuko dira, eskatzaile bakotxari ahalik eta laguntzarik handiena emonda.

Deialdiari buruzko informazioa udalaren webgunean konsulta daiteke (bilbaoeuskaraz.bilbao.eus) eta eskaerak modu bitan aurkeztu daitekez: udalaren webgunearen bidez (www.bilbao.eus), agendaren atalean; bertan, BakQ sistemea, ziurtagiri digital autortua (NAN, Izenpe...) edo Bilboko Udalak webgunerako emondako sarbide-gakoa erabili ahal izango dira. Edo erregistroan, herritarren arretarako bulegoetan; kasu horretan, hitzordua eskatu behar da udalaren webgunean edo 944 010 010 / 010 telefonoan.