Biren eta Naz Taldea nagusi
2025-03-19 09:46 MusikeaDurangoko VII. Abesti Feministen Lehiaketan.

Abesti Feministen Lehiaketearen zazpigarren edizinoa egin eben Durangon. Ekitaldi horrek, musika bidez, genero-bardintasunaren aldeko erreferente kultural bezela sendotzen jarraitzen dau. Aurton, lehiaketeak hainbat artista eta talderen talentua autortu dau, euren konpromiso soziala konposizinoen bidez transmitiduten jakin dabelako.
Bakarlari kategorian, 30 urtetik beherakoentzako abesti onenaren saria (600€) Biren taldearentzat izan da, Pompeya abestiagaz. 30 urtetik gorakoentzako saria (500€), barriz, Marga Pocoví eta Biel Tous artistentzat izan da, Aquí estoy yo abestiagaz.
Taldeen kategorian, 30 urtetik beherakoentzako abesti onenaren saria (600€) Naz Taldearentzat izan da, Besterik Ez abestiagaz. 30 urtetik gorakoen saria (500€) Loida taldearentzat izan da, El Club de las Flipadas abestiagaz.
Horrezaz gan, ikusleek abesti gustukoena aukeratu ahal izan dabe; beraz, Publikoaren Saria (350€) Gregoriak taldearentzat izan da, Gizadi Erdi Zorigaiztoa abestiagaz. Bestalde, Euskerazko Abesti Onenaren Saria (350€) Trouble Woman taldeak irabazi dau, Loreak abestiagaz
Durangoko Udalak irabazle guztiak zoriondu eta parte-hartzaile guztien inplikazinoa eskertu dau. Musikea mezu indartsu baten eroale izateaz gan, bardintasuna eta aniztasuna sendotzen dau, beste behin be, gizartea eraldatzeko tresna boteretsua izaten jarraitu deian.
Durangoko Udalak EITBgaz zarratutako akordioari esker, galea EITB taldearen hainbat kanaletan emon zan eta ikusgai dago Nahieran plataforman.
Erantzun
Erantzuteko, izena emanda egon behar duzu. Sartu komunitatera!