Hyrox probea, zer da eta nola prestau daiteke?
2025-03-17 07:55 Ibilian-ibilianMundu osoan arrakasta asko izan dauen kirola da.
Kirola egitea maite dogu. Erronkak gustetan jaku eta abenturazaleak gara, Ibilian-ibilian gure sail honetan, ezta? Halanda ze, Hyrox probea zelan prestetan dan ikusiko dogu. Valentziatik etorri barri gara eta ikargarria izan da erronka eta ames hura betetzea. Beste bat egiteko desioz gagoz.
Zerk egiten dau berezi? Zein da haren arrakastearen arrazoia? Ez da erraza adierazoten, probau eta ikusiko dozue! Beien bitartean, saiatu gaitezan kontetan. Hainbat alkarrizketa entzun dodaz Hyroxeko arduradunei egindakoak. Harrigarria emoten dauen arren, beti formatu bera izateak jentearen jarraipena eta aurrera egin gura izatea egiten dau: izan be, Zeelanda Barria, Australia, Mexiko edo hemen, formatua bera da. 8 km eta 8 ariketa edota workout. Bata-besteagaz buztartu behar da; 1 km korrika egin, ondoren, workout ariketea eta hurrenkera horretan, 8 aldiz. Banaka edota bikoteka egiteko aukerea dago, baita lauko erreleboetako taldeetan be. Ganera, kategoria bi bereizten dira, batetik, open edota arrunta, eta bestetik, pro, pisu aldaketea nabarmenegaz. Proba horreek gatxak dira neurtzeko. Halanda be, eliteko kirolariek gustora egiten ditue Hirox probak eta harek ikustea sekulakoa da.
Denporea da, kirolariaren bildurrik handiena, eta aldi berean, motibazinoa be. Horregaitik, Hyrox probea errepiketan daben kirolarien ehunekoa parte-hartzaileen batez besteko handi bat da. Bidaiak egiteko, leku barriak ezagutzeko, ahulguneak gehiago entrenetako eta indarguneetan hobetzeko atxakia bikaina da-eta. Ariketen artean, ondoko honeek dagoz:
- 1 km korrika (normalean, 3 buelta).
- Skierg (eskiatzaileen besoen lanketea simuletan dauen makinea).
- 1 km korrika.
- Sled Push (trineoari bultza egitea, 4 joan-etorri).
- 1 km korrika.
- Sled Pull (soka tiretea, sokatira antzera, baina persona batek, 4 joan-etorri).
- 1 km korrika.
- Burpee Broad Jumps (burpee lurrera + salto aurrera).
- 1 km korrika.
- Rowing (arrauna).
- 1 km korrika.
- Farmers Carry (betiko txingak, kettlebellekaz).
- 1 km korrika.
- Sandbag Lunges (sakua lepoan eta pausuak aurrera belauna lurrean jarrita).
- 1 km korrika.
- Wall Balls (baloi medizinal horreen tankerakoa, sentadilla egin eta taula jo).
- Horreek amaitzean, heldu bikotea eskutik eta aldapa txiki bat igon.
Guk binaka egin genduan probea. Oso polita da alkarrekaz korrika egitea, bakotxaren hauspoa kontroletan, alkarri babesa emonez eta workout bakotxean buztartzea. Arau bakarra ondokoa da: korrika alkarregaz egitea. Halanda ze, lehen Hyroxa bikoteka egitea gomendutako neban. Entrenetako, Hyrox orrialde ofizialean topau zure etxetik gertuen dagoan gimnasioa. Bizkaian aukera gitxi dagoala ikusita, gu Gasteizko Training Gimnasioa aukeratu genduan. Eneko Reyes gernikarra da jabea eta gomendio oso onak emon euskun. Sesio gitxitan, hobekuntza ugari nabari genduazen.
Orain, beste erronka bat aukeratzeko desiatzen gagoz. Probez harago, kirola egiteko ariketa bikaina iruditzen jat, edozeinek egin ahal dauena. Animau eta ezagutu Hyrox!
Ikusi argazki guztiak handiago
Erantzun
Erantzuteko, izena emanda egon behar duzu. Sartu komunitatera!