Dinosaur Jr. estatubatuarrak, azken konfirmazinoa

Dinosaur Jr (Argazkia: ARF). | Ikusi handiago | Argazki originala

Azkena Rock Festival jaialdiak behin betiko kartela aurkezteaz gan, egunez eguneko programazinoa aurkeztu dau. Ondoko artista honeek nabarmentzen dira: John Fogerty mitikoa, bere errepertorioko klasiko guztiekaz eta data bakarrean Estaduan; Manic Street Preachers, horreek be kontzertu esklusiboan; The Flaming Lips, Yoshimi Battles The Pink Robots kantetan; Lucinda Williams ikonikoa; The Hellacopters 30. urteurrena ospatzen eta azken konfirmazinoetako bat: Dinosaur Jr, Without a Sound kantetan.

Ganera, 2024ko edizinoan harrera ona izan ebanez, aurton be atonduko da familientzako gunea Azkenan, Txiki ARF izenekoa hain zuzen be. Horrezaz gan, Andre Maria Zuriaren plazan ibiliko diran artisten izenak ezagutarazo dira. Holan, kontzertu guztiak zuzen-zuzenean bizi ahal izateko aukerea dau Azkena Rock Festival jaialdiaren 23. edizinoan, bagilaren 19tik 21era arte, Gasteizko Mendizabalan.

Programazinoa

• Bagilak 19: Dinosaur Jr. play Without A Sound, The Damned, Melissa Etheridge, Buzzcocks, Quique Gonzalez, Libe eta Massters Of Reality. Trashville: Wau y los Arrrghs!!!, Fleau, Gogoponies eta Mambo Rambo. DJa: El Chico.
• Bagilak 20: John Fogerty, Lucinda Williams, Public Image Limited, Turbonegro, C.O.F.F.I.N, Bobbie Dazzle, Diamond Dogs & Chris Spedding play Little Richard, La Estrella Azul Live, Kaotiko, Psilicon flesh, Reckless Kelly, Robert Jon & The Wreck eta Sarria. Trashville: Los Straitjackets, Escpae-Ism, Las Jennys de arroyoculebro eta Thee Scarecrows Aka. Djak: Alta Tensión, Borja Nihil, Miss Strytchnine eta Tock Nights txiki ARF.
• Bagilak 21: Manic Street Preachers, The Flaming Lips play Yoshimi Battles the Pink Robots, Richard Hawley, The Hellacopters 20th Anniversary, Margo Price, Cherie Currie plays The Runaways, The Chesterfield, Kings, Dead Kennedys, Derby Motoreta's Burrito Cachimba, Eh, Mertxe!, Ezezez, The Lemon Twigs eta The Pill. Trashville: The Neanderthals, The Devils, The Sex-Organs eta Wallaroos. DJak: Bilba Grotbill, DJ Bone, Malanda eta Nat Simons Jukebox.

Horreezaz gan, urtero lez, Andre Maria Zuriaren Plazean kontzertu bi atondu dira, barikuan eta zapatuan: beraz, bagilaren 20an, Lauire Wright izango da; eta, hurrengo egunean, barriz, Kitty, Daisy & Lewis.

Sarrerak salgai dagoz hemen. Betiko lez, bertara joateko autobusak atondu ditue, ondoko tokietatik: Bilbo, Iruña, Donostia, Zarautz, Arrasate eta Altsasu.