Bertso Udalekuetan izena emoteko epea edegi dabe

| Ikusi handiago | Argazki originala

Udako planak egiteko garaia heldu da, halanda ze, dagoeneko bertso udalekuetan izena emoteko epea edegi dau Bertsozale Alkarteak. Beraz, martxan da izen-emotea hemen.

Lehenengo izen-emote epe horretan bertso eskoletako kideek edo gurasoren bat Bertsozale Alkarteko bazkide dabenek emon leikete izena; halanda ze, martiaren 16ra arte izango dabe horretarako tartea. Behin lehen epealdia amaituta, izen-emoteko bigarren txandea edegiko dabe martiaren 19an. Txandetan, ordena hartzen dabe kontuan; beraz, azkar ibili!

Urtero lez, aurtongo udalekuetan be lau txanda izango dira, edadearen arabera bananduta. Hemen txandei buruzko informazioa:

- Uitzi (Nafarroa): 2012-2013 urte bitartean jaioak.

• Datak: garagarrilak 7 - 13.
• Edadea: 12 - 13 urte.
• Kuotea: 300 euro.

- Bidarrai (Baxenabarre): 2007-2009 urte bitartean jaioak.

• Datak: garragarrilak 14 - 23.
• Edadea: 16 - 18 urte.
• Kuotea: 400 euro.

- Zuhatza (Araba): 2014-2016 urte bitartean jaioak.

• Datak: garagarrilak 25 - 29.
• Edadea: 9 - 11 urte.
• Kuotea: 255 euro.

- Sarria (Araba): 2010-2011 urte bitartean jaioak.

• Datak: garagarrilak 24-30.
• Edadea: 14 - 15 urte.
• Kuotea: 300 euro.

Eusko Jaurlaritzak eta Bizkaiko Foru Aldundiak babesten dabe Bertso Udalekuen egitasmoa. Horreezaz gan, Irizarren laguntzinoa dau.