'El 47' eta 'La infiltrada' lanek irabazi dabe film onenaren historiako lehen Goya partekatua

| Ikusi handiago | Argazki originala

39. Espainiako Zinema Akademiak Goya Sariak emon ditu, Granadako Erakusketa eta Kongresu Jauregian.

Lehenengo aldiz, pelikula bik irabazi dabe film onenaren saria: El 47 eta La infiltrada Arantxa Echevarriaren filma. Horrezaz gan, bilbotarraren filmak emakumezko aktore onenaren saria irabazi dau, Carolina Yustentzat hain zuzen be.

Marco filmak be, sari bi irabazi ditu: Eduard Fernandez kataluniar aktoreak gizonezko aktore onenaren saria eta makillaje eta ule-apainketa onenaren saria (Karmele Soler, Sergio Perez Berbele eta Nacho Diaz).

Ganera, Ivan Miñanbresen Semillas de Kivuk film labur dokumental onenaren Goya Saria eroan dau.

Alberto Iglesiasek jatorrizko musika onenaren hamabigarren Goya Saria lortu dau, Pedro Almodovarren The room next door lanagaitik, Goya gehien irabazi dauen personea.

Cafuné (Lorena Ares eta Carlos F. de Vigo), animazinoko film labur nafarrak be Goya Saria eskuratu dau.

Kontuak kontu, El 47 filmak irabazi ditu sari gehien, bost. Segundo premio eta The room next door lanek, barriz, hiru eta Marco, La infiltrada, La virgen roja eta La guitarra flamenca de Yerai Cortés ikus-entzunezkoek bi.

Ekitaldia Maribel Verdú eta Leonor Watling aktoreek aurkeztu dabe. Berton izan da Miguel Rios abeslaria, galeari hasierea emoten Bienvenidos abestiagaz.

Horrezaz gan, Aitana Sanchez Gijonek Ohorezko Goya Saria irabazi dau eta Richard Gere aktoreak Nazinoarteko Goya Saria.