Alaine Agirren eta Belatzen istorioak egokitu beharko ditue 17. Ilustrazino eta Ipuin Lehiaketan

Belatz ilustratzailea. | Ikusi handiago | Argazki originala

17. urtez, Elkar Fundazinoak Ilustrazino eta Ipuin Lehiaketea martxan jarri dau umeen eta gazteen artean irakurzaletasuna eta sormena bultzatzeko helburuari eusteko. Holan, betiko lez, hiru modalidade atondu ditue, ume eta gazteen edadearen arabera: ilustrazinoa, ipuina eta komikia.

Ganera, Elkar Fundazinoak Belatz ilustratzailearen eta Alaine Agirre idazlearen laguntzinoa izango dabe lehiaketea aurrera eroateko.

Lanak entregetako azken eguna martiak 21 izango da.

Ipuina ilustrau

HH 4 eta LH 4 bitartean (biak barruan) dagozan umeek Alaine Agirrek idatzitako Zer jango du oiloak ipuina ilustrau beharko dabe. Ipuina hemen eskura daiteke.

Ipuinean oinarrituta egindako ilustrazinoak A3 edo A4 formatuko orrian egin beharko dira. Margo muetea eta teknika guztiak onartuko dira.

Ume bakotxak ilustrazino bakarra aurkeztu beharko dau. Ilustrazinoa papelean entregau ezkero, marrazki bakotxaren atzeko aldean umearen izen-deiturak, jaiotze-datea, telefonoa eta helbidea eta ikastetxearen izena jartea ezinbestekoa izango da.

Ilustrazinoa ipuin egin

LH 5 eta DBH 2 bitartean (biak barruan) dagozan umeek Belatzek egindako ilustrazinoagaz ipuin bat osotu beharko dabe. Ilustrazinoa hemen eskura daiteke.

Ipuinak euskeraz idatziak izan behar dira, ordenagailuz idatzitakoak eta orrialde bakarrean aurkeztuak. Ez dira orrialde bat baino gehiagotan aurkezten diran lanak onartuko. Ipuin guztietan ezinbestekoa da jartea, izen-deiturak, jaiotze-datea, telefonoa, helbidea eta ikastetxearen izena.

Ikastetxeetatik bialtzen diran ipuinek be datu horreek guztiak jarrita izan beharko dabe.

Komikia osotu edo sortu

DBH 3 eta DBH 4 mailetako gazteek aukera bi ditue: Belatzek hasitako komikiari jarraipena emotea edota beronen gaia eutsiz (piratak) komikia hasieratik sortzea. Lana, hemen eskura daiteke.

Komikiak eskuz zein ordenagailuz sortu daitekez eta euskeraz idatzi behar dira. Teknikea eta materiala guztiz libreak izango dira, baina A4 tamainako orrialde bakarrean entregau beharko da.

Parte-hartzaile bakotxak komiki bakarra aurkeztu ahal izango dau eta lan bakotxaren atzean gaztearen izen-deiturak, jaiotze-datea, telefonoa, helbidea eta ikastetxearen izena jartea ezinbestekoa izango da.