Negu baltzean, Bertso Udalekuak

| Ikusi handiago | Argazki originala

Begirale, zuzendari eta sukaldari izateko aukerea be badago txandetan, izan be, begirale praktikak egin nahi dituenek be emon ahalko dabe izena.

Bertso Udalekuak atontzen hasteko sasoia izaten da urtarrila, zezeilaren 6an izango baita lehenengo data garrantzitsua, izan be, begirale, zuzendari, sukaldari eta begirale praktikak egin nahi dituenentzako izen-emote epea zabalduko da egun horretan eta zezeilaren 16ra arte egongo da zabalik. Ondoren etorriko da ume eta gaztetxoen izen-emotea.

Ohikoan dan legez, izen-emotea bertsozale.eus webgunearen bidez egin ahal izango da. Martian emongo dabe osotutako lantaldeen barri.

Bertso Udalekuetako hezitzaileak prestaketa lanei astegoienetan ekingo deutsee, maiatzaren 9tik 10era Astigarragako Santiagomendi aterpean (Gipuzkoa). Bertan parte hartzea ezinbestekoa izango da, Bertso Udalekuen atonketa ona ziurtatzeko.

Gaztetxuen izen-emotea, martian

Hezitzaile lantaldeakaz hasi eta gaztetxuakaz segidu. Martiaren 3an zabalduko da izen-emotea bertsozale.eus webgunean bertan. Laster emango dizkizuegu xehetasun guztiak.

Eusko Jaurlaritzeak eta Bizkaiko Foru Aldundiak babesten dabe Bertso Udalekuen egitasmoa eta Irizarrek laguntzen dau.