Gasteizen aurkeztu dabe 2025eko Arabako Bertso Kuadrilla artekoa

Bizkaie! 2025-01-20 07:45 Bertsolaritzea

Zortzigarren edizinoa izango da aurtengoa.

Gasteizko Amaia Zentroan batu dira Arabako Bertso Kuadrilla artekoan parte hartuko daben 14 taldeetako ordezkariak. Taldekako egitasmoa da, urte birik behin egiten dana.

Inkonstantinkoplan potoz poto (Gasteiz) taldeko Gerezti Unanue eta 4 gara (Lautada) taldeko Aitor Najerak emon deutse hasierea aurkezpenari eta zehetasunak emoten Alkarteko Sustapen arduradun Egoitz Iradierrek jarraitu dau.

2025eko Arabako Kuadrilla artekoak, 2018tik honako Kuadrillarteko edizinoei jarraituz txapelketa formatua izango dau baina lehia aurreko fasean, 2014 eta 2016ko topaketa ereduari jarraituz talde bakotxak bere herri edo eskualdean Kuadrillako Bertso Eguna atonduo dau. Beraz, 14 Kuadrillako Bertso Egun egingo dira Arabako 8 eskualdeetan, danera 14 ekimen. Ondoren 4 finalaurreko eta finala.

Taldeak 9-12 lagunez osotuta egongo dira: 3-6 bertsolari, gai-jartzailea, epailea, audio grabatzailea, kronikagilea, argazkilaria...

76 lagun bertsotan, 17 epaile lanetan, 21 lagun gai-jartzaile lanetan eta beste hamaika laguntzaile.

Hurrengo eskualdeek parte hartuko dabe: Aiaraldea, Arabar Errioxa, Mendialdea, Trebiñu, Añana, Lautada, Gorbeialdea (lau talde) eta Gasteiz (lau talde).

Urtarrilaren 22tik apirilaren 5era

Bertso-eskolen eta Arabako Bertsozale Alkartearen arteko konpartidutako antolakuntzea, izakera kolektiboan eta bertsolaritza herrikoian oinarrituta, urtarrilaren 22tik apirilaren 5era izango da aurtengo edizinoa.

Kuadrilla Arteko Bertso Egunak (14 saio)

Arabar Errioxako Bertso Eguna: Urtarrilak 22, eguaztena, Oionen.

Gasteizko Bertso Egunak

Zezeilak 1, zapatua, Gasteiz.

Zezeilak 14, barikua, Gasteizw (2 ekimena).

Zezeilak 20, eguena, Gasteiz.

Aiaraldeko Bertso Eguna

Gorbeialdeko Bertso Egunak

Zezeilak 1, Aramaio.

Zezeilak 7, obarikua, Aramaio.

Zezeilak 14, barikua, Legutio.

Zezeilak 21, barikua, Izarra.