David Lynch zinemagilea hil da

| Ikusi handiago | Argazki originala

David Lynch zinemagile estadubatuarra hil da, 78 urte zituala. Azken hamarkadetako ikono garrantzitsu eta eraginkorrenetako bat izan zan. Haren ibilbididean film ugari egin zituan, esaterako, Mullholland Drive, The Elephant Man, Blue Velvet edo Twin Peaks telesaila.

Egilearen familiak ondokoa adierazo dau Facebook plataforman: atsekabe handiz, guk, haren familiak, David Lynch gizon eta artistearen heriotzearen barri emoten dogu. Pribatutasuna eskertuko geunke. Hutsune handi bat dago munduan orain. Baina, berak esaten eban legez: Keep your eye on the donut and not on the hole (Gorde begiak erroskillan eta ez zuloan).

Nahiz eta ibilbide bikain eta ahaztuezina izan, David Lynchek ez eban inoiz Oscar saria irabazi haren filmetako batengaitik, halanda ze, 2020an Hollywoodeko Akademiaren Ohorezko Saria jaso eban. Canneseko Zinemaldiak eta egile-lehiaketa guztiek, barriz, berehala maite eta gura eben. Urrezko Palmea lortzeaz gan, zuzendari onenaren saria be lortu eban Mullholland Drive filmagaitik (2002).

Bere eszenek gure amesgaiztoak bizitu, beldurrak elikatu eta horizonteak edegi ditue.