Astebete falta da 18. Huhezinemarako

Bizkaie! 2025-01-15 09:15   Zinemea

Aurkeztutako 94 lanetatik, 29 heldu dira finalera, hiru sailetan banatuta: Sail Ofiziala, Ikasle Saila eta Bideoklip Saila.

Proiekzinok, barriketaldiak, masterclassak eta kontzertua iragarri ditue, baita amaierako sari banaketea eta luntxa be.

Lehen barriketaldia Andrak Erramutan dokumentalaren proiekzinoaren ondoren egingo da eta protagonistak egongo dira esperientzia kontetan. Kontzertuari jagokonez, Lemak taldea agertuko da oholtza gainean, euren lana Bideoklip Saileko finalistetako bat izanik. Masterclassa Aitzol Saratxagak emongo dau, bere zine ibilbidea azalduz. Eta azkenik, ikusleei ikasketa barri bat eskaintzeko asmoz, Lehen urratsak zineman barriketaldia izango dogu, Jone Arriola, Alba Lozano eta Uxue Botasen eskutik. Huhezinemaren bereizgarria da ikasleek atondutako jaialdia dela. Bide horretatik, jaialdian zehar euskal zinema berriena proiektatuko da, eta horrela, etorkizunekoa sustatu. Sortzaileen lan berriez eta sortzaile berrien lanaz gozetako aukerea egongo da, dinoe atontzaileek.

18. edizinoko egitaraua

Urtarrilak 22, eguaztena
- 11:00-12:30 Andrak Erramutan dokumentalaren proiekzinoa eta barriketaldia.
- 17:00 Bideoklip Sailaren proiekzinoa.
- 19:45 Kontzertua Lemak taldearen eskutik.

Urtarrilak 23. eguena
- 11:00-13:00 Masterclassa: Zuzendaritza artean sakontzen. Aitzol Saratxaga.
- 16:00 Ikasle Sailaren proiekzinoa I.
- 17:30 Ikasle Sailaren proiekzinoa II.
- 19:00 Solasaldia: Lehen urratsak zineman. Jone Arriola, Alba Lozano eta Uxue Botasen eskutik.

Urtarrilak 24, barikua
- 16:00 Sail Ofizialaren proiekzinoa I.
- 17:30 Sail Ofizialaren proiekzinoa II.
- 19:30 Sari banaketea.
- 20:30 Luntxa.

Atontzaileen lana da jaialdiko aurkezleak topetea, eta aurten be, ibilbide oparoa dabenak topau ditu: Ana Goitia izango da Sail Ofizialeko aurkezlea eta Jon Castañeda Bideoklip Sailekoa. Xuban Garmendia eta Oier Gastesi ikus-entzunezko ikasleek Ikasle Saila aurkeztuko dabe.

Epaimahaia be jaialdiaren parte garrantzitsua da, honek aukeratzen baitau zein lan izango diran sail bakotxeko irabazle; eta honetan ibiliko dira Aitor Oñederra (arte eszeniko, zinematografiko eta musikaletarako animazinoen sortzailea), Maitane Carballo (soinuaren espezialistea, film-muntatzailea eta film-zuzendaria) eta Katty Pochelu (igazko Huhezinema irabazi eban film laburraren produktorea).

94 lan aurkeztu arren 29 proiektauko dira

Atiotzaileek pozez jaso zituen jaialdira aurkeztutako lan guztiak: gai anitzak lantzen zituen, % 61 euskeraz, %43 emakume zuzendarienak, maila handikoak eta asko ikasleek eginikoak. Horrek arazoak eragin zituan aukeraketarako: geugaitik izango balitx kanpoan geratu diran lan batzuk sartuko geunkez baina ezinezkoa izan da. Egitarauak eta espazioak limitazinoak ditu. Halan da be, gustora gagoz aukeraketeagaz, adierazo dau programazino lan-taldeak.

Sail Ofiziala

● Komando Marmitako – Uxue Botas & Ane Nafarrate.
● Plazer Bat – Sonia Estévez Fernández.
● Hor Konpon – Jone Arriola.
● Utländsk – Alba Lozano.
● 29 de febrero – Diego Fandos.
● Gure oilarra kanpoan da – Carlota Galilea.
● Planetagatik – Eneko Muruzabal Elezcano.
● Bidean – Imanol G. Gurrutxaga.

Ikasle Saila

● Patrimonio – Aitor Abio.
● Enarak – Paula Moreno.
● Lotura Debekatuak – Nahia Cisneros Gomez.
● Trabatutak – Gorka Granado Terrones.
● Larramendi – Dani Nespereira Rojo.
● Argi Ta Garbi – Aner Olaizola & Danel Ezpeleta.
● Pesadilla en Nueva York – Yaiza González Gallego.
● Erlojuaren Orratzak – Markel Azpeitia Alkorta.

Bideoklip Saila

● Itxoiten / Lemak – Xabier Martin Madariaga.
● Esku burdin / J martina – Ximon Agirre.
● Negua / Txopet – Maitane Campos Fundazuri.
● Euripean / The Clayton – Asier Elgezua & Mikel Cubillo.
● Hor Gaude / Neomak – Asier Elgezua & Mikel Cubillo.
● Ametsen Batean / TOC – Ximon Agirre & Maria Muriedas.
● John Wine / Zaparra – Koldo Aguirre.
● Bi Miru Gu / TOC (Feat. Hofe) – Maria Muriedas & Ximon Agirre.
● Donde / Kai Nakai – Julen De La Serna Martinez.
● Metxa / Kai Nakai & Akaleia – Iratxe Aguilera Barrio.
● AKHELAŔE / Zilibito X Malakias – Aner Olaizola Aramendi.
● Negua / Eider (Feat. Maren) – Andoni Clavo Etxaniz.
● Niña soñando / Verde Prato – Maria Muriedas.