'20 eskultore' erakusketea aurkeztu dabe

Bizkaie! 2025-01-10 13:29   erakusketak

Bizkaiko Batzar Nagusiak erakundeko Erakusketa Aretoak, Euskal Eskultoreen Eskuahaldunak Eskultoreen Alkarteko 20 artisten piezak jasoten dituan urteko lehenengo erakusketea aurkeztu dau.

Ondoko artista honeen obrak erakutsiko ditue: Michel Ruiz, Susan Bart, Fito Cuevas, Barbara Camhi, Perier, Amaia Conde, Rafa Cantera, Ana Herranz, Joseba Galarza, Mariemi Otaola, Eskerri, Olatz Pereda, Porri, Amaia Sanz de Magarola, Javier Villarroel, Leire Sainz de Aja, Iñaki Olabarri, Dora Salazar, Ube eta Elena Solatxi.

Artista talde horretako ordezkaritza zabala egon da Ana Otadui Biteri Bizkaiko Batzar Nagusiak erakundeko buruagaz Bilboko egoitzan egindako erakusketearen edegiera ekitaldian. Erakusketea zezeilaren 21era arte egongo da zabalik, goizeko 08:00etatik arratsaldeko 20:00ak arte, astelehenetik barikura. Sartzea doban izango da.

Erakusketea Euskal Eskultoreen Eskuahaldunak Eskultoreen Alkarteak atondu dau eta Otaduik nabarmendu dauenez, gaur egungo euskal eskulturearen ikuspegi osoa transmitiduko deuskuen sorkuntza-lan bikainez bete dau erdiguneko erakusketa gunea. Halanda ze, eskultureak leku berezia eta nagusia izan dau beti herri honetan eta Bizkaiko Batzar Nagusiak erakundea harro egoteko modukoa da askotariko forma, material, estilo eta teknikak erakusten dituan sorkuntza-lanak batzea.

Euskal Eskultoreen Eskuahaldunak Eskultoreen Alkarteak Euskal Herri osoko 145 eskultore batzen ditu: euskal eskulturearen ikuspegi eguneratua erakusten deuskun artista talde zabal horretako 10 gizon eta 10 emakumeren sormena jasoten da. Chillida, Oteiza, Barrenetxea, Ibarrola, Mendiburu edo Larrea erreferentzia izan dituan euskal eskultoreen harrobi handi horren parte dira.

Alkarteak gabonilean itxi eban Sociedad Bilbaina izenekoan egoan eskultura erakusketea eta urtarrilaren erdialdera arte, bizkaitarrek euskal eskulturearen panoramako 80 artista ezagunen 150 lanez disfrutau eben Durangoko Azokan. Batzar Nagusiak erakundeko erakusketa aretoak euskal eskulturea ezagutzeko eta horretaz disfrutetako beste aukera bat dakar, zeramikaz, burdinaz, egurrez eta teknika mistoakaz egindako piezak jasoten dituan arte erakusketa azpimarragarria eta osoa, Guillermo Olmo Eskuahaldunak alkarteko presidenteak adierazo dauenez.

Bizkaiko Batzar Nagusiek kultur ondare aberatsa dabe. Egoitza enblematikoez gan, Bizkaiko Batzar Nagusietako bildumean 250 artelan inguru dagoz eta horreetatik hogeta hamar eskulturak dira.

Ikusi argazki guztiak handiago