Badator 'Expodistrito' erakusketa zikloa

Bizkaie! 2025-01-02 12:16   erakusketak

Bilboko Udalak Expodistrito, aldi baterako erakusketa deszentralizatuen ohiko zikloa, atondu dau barriro be eta beraz, urtarriletik aurrera, argazkigintza eta pintura proposamenak eskainiko ditue.

Urtarrilaren 7tik, martitzena, martiaren 31ra arte, Bilboko auzoetako Udal Zentroetan ikusgai egongo dira zikloko erakusketak. Atal barri horretan, San Inazio-Ibarrekolanda, Castaños, Otxarkoaga, Begoña, Santutxu, San Frantzisko, La Bolsa, Abando eta Errekaldeko Udaltegietan Expodistrito alkartearen proposamen artistikoez disfrutau ahal izango dabe.

Parte hartu daben artisten artean José Manuel Muro Pereg margolari bilbotarra, Mary Carmen eta Pilar González Bueno (margolariak), Luali Lebser (Equipe Media kolektiboko kidea eta aktibista sahararra) eta Begoña Elexpe, Oscar Cacho, Saioa Prado, Olga Ruiz eta Sergio Verde argazkilariak dagoz.

Erakusketa guztiak doban eta goizez eta arratsaldez bisitau ahal izango dira. Egitarau osoa hemen kontsultau daiteke.

Egitaraua

- Mary Carmen eta Pilar González Bueno. Pasion por la acuarela.

• Urtarrilak 7-17: Otxarkoaga Udaltegia.
• Zezeilak 3-14: Santutxu Udaltegia.
• Zezeilak 18-28: San Inazio-Ibarrekolanda Udaltegia.
• Martiak 4-14: Castaños Udaltegia.
• Martiak 18-31: Begoña Udaltegia.

- Luali Lebser. Sahara. Lurralde okupatuak.

• Urtarrilak 8-30: Begoña Udaltegia.
• Zezeilak 3-14: San Frantzisko Udaltegia.
• Zezeilak 18-28: Santutxu Udaltegia.
• Martiak 4-31: Abando Udaltegia.

- Jose Manuel Muro Pereg. Paisaje pinturak.

• Urtarrilak 8-30: Castaños Udaltegia.
• Zezeilak 3-14: Errekalde Udaltegia.
• Zezeilak 18-28: La Bolsa Udaltegia.
• Martiak 4-14: Santutxu Udaltegia.
• Martiak 18-31: Otxarkoaga Udaltegia.

- Begoña Elexpe. Auzo baten erretratuak.

• Urtarrilak 17-30: Abando Udaltegia.
• Zezeilak 3-14: San Inazio-Ibarrekolanda Udaltegia.
• Zezeilak 18-28: Castaños Udaltegia.
• Martiak 4-14: Otxarkoaga Udaltegia.
• Martiak 18-31: Errekalde Udaltegia.

- Oscar Cacho & Saioa Prado. Athletic Munduan: salimos de Bilbao.

• Zezeilak 3-14: Otxarkoaga Udaltegia.
• Zezeilak 18-28: Errekalde Udaltegia.
• Martiak 4-14: La Bolsa Udaltegia.
• Martiak 18-31: Castaños Udaltegia.

- Olga Ruiz eta Sergio Verde. Kulturarteko galerna.

• Zezeilak 18-28: Abando Udaltegia.
• Martiak 4-14: San Frantzisko Udaltegia.
• Martiak 18-31: San Inazio-Ibarrekolanda Udaltegia.

Expodistrito

Programa Bilboko Udaleko Kultura Arloaren ekimena da eta Bilboko arte-adierazpenak deszentralizau eta artista hasibarrien lana jentaurrean aurkezteko helburua dauka. Ohikoa dan legez, erakusketak txandakatuz joango dira, eta horreetako bakotxaren data zehatzak konsultatu ahal izango dira kultur programazinoa jasoten dauen webgunean (www.kulturabarrutik.eus) eta 010 telefonoan.

Ikusi argazki guztiak handiago