Eskafandra taldeak 'Azken Oroigarria' kantua plazaratu dau

Eskafandra. Erretrattua: Maitane Campos Fundazuri. | Ikusi handiago | Argazki originala

Eskafandra taldea Joseba Iturraspe (McONak) eta Iban Martinen alkarlanak dakarren egitasmoa da. Hasiera, Josebak McOnaken ertzetatik harago joiazan doinuetan sartu guran, landuta zituan zenbait ideari formea emoten laguntzeko eskatu eutson Ibani eta honek abestiak produziduteaz gan, taldeko guitarrista izateko ardurea hartu eban. Ondoren Maren (Bateria), Sergio (tekladuak) eta Xabi (baxua) batu ziran taldera.

Hamar kantuz osotutako taldearen lehen lanak 2025ean ikusiko dau argia. Estilo aldetik, poparen inguruan mobiduten dira, momentuka ilun eta momentuka jantzagarri. Itsasoa presente dagoean elementu bat da, baina ikuspegi erromantikoetatik harago gune abisaleraino bajatuteko konbidauko gaitu Eskafandrak.

Kanpora begira egindako salaketez gan, barrura begirako hausnarketak, autokritikea eta kontraesanak dagoz urazpiko bidaia honetan.

Lan guztia kaleratu aurretik aurrerapen abesti batzuk kaleratuko ditu taldeak eta horreetako lehenengoa da Azken Oroigarria, melodia jantzagarri zein ilunetan sartzen dan pop abestia; bertan hartu-emonen ondorioz bizitako esperientziatik egindako hausnarketei doinua jarten jake.

Lehen single honetan Mikosis taldeko Carlak kolaborau dau, bere ahotsagaz abestiari erabateko esangurea emonez.

Kantua, Maitane Camposen gidaritzapean egindako bideoklip bategaz plazaratu da eta bertan, munstro batek bere amesetan agertzen dan lamia bategaz topo egiten dau eta rol aldaketea emoten da personaiakaz.