'Klara eta hazi magikoen misterioa' filma, ikusgai

| Ikusi handiago | Argazki originala

Klara eta hazi magikoen misterioa filma, ikusgai dago EAEko hainbat aretotan, Zinemea Euskeraz programearen eskutik. Ume zein gazteei zuzenduta dagoan film espainiarra euskerara bikoiztuta ikusi ahal izango da.

Zineuskadik sustatutako Zinemea Euskeraz programearen barruan aurton ikusiko dogun zortzigarren filma da, Superklaus lanaren ostean. Euskal ikus-entzunezkoen sektoreari laguntzeko helburua dau Eusko Jaurlaritzako Kultura eta Hizkuntza Politika sailak bultzautako programeak eta ume zein gazteei zuzendutako pelikulen bikoizketaz arduratzen da, zinemagintean euskerearen zabalkundea bultzatzearren.

Sinopsia

Eta euririk, eguzkirik edo lurrik barik be loratu leitekeen hazirik balego? Eta baten batek lapurtu badau? Klara behi nerabe ausartak misterioa argitu beharko dau Agatha Christensen untxi detektibeagaz: hazi miraritsuaren desagerpena ganadua daroan trenaren barruan.

Proiekzinoak

Filma ondoko zinema-aretoetan ikusi daiteke: Golem Alhondiga (Bilbo), Multicines 7 (Bilbo), Florida Zinemak (Gasteiz), Niessen (Errenteria), SADE Cines (Donostia) eta Golem La Morea (Iruñea).

Datorren urtean, beste film bat be izango dogu Zinemea Euskeraz programearen barruan: urtarrilaren 31n hain zuzen be, Zorro y liebre.