2024ko bertso urtearen errepasoa egingo dabe Hitzetik Hortzeran

| Ikusi handiago | Argazki originala

Urtearen errepasoa egitearen ohitureari eutsiko deutse Hitzetik Hortzerako lagunek. Beraz, 2024ak emondako bertsoaldiek osotuko dabe programea eta aurton be, sorpresarako tartea izango da. Bertsolariek Mirari Martiarena aurkezleari gabon saria emongo deutse haren lana eskertzeko eta atseden hartzera bidaliko dabe Bardeetara.

Ez da espero eban oparia izango, baina Bardeetatik egingo dau 2024ko bertso urtearen errepasoa. Bertsolari ugari ikusteko aukerea emongo deusku programazino horrek, besteak beste, Aitor Mendiluze, Alaia Martin, Amets Arzallus, Andoni Egaña, Araceli Argüello, Aroa Arrizubieta, Eneko Lazkoz, Garazi Navarro, Haira Aizpurua, Joanes Illarregi, Jon Maia, Jone Uria, Julio Soto, June Aiestaran, Maialen Akizu, Maialen Lujanbio, Miren Amuriza, Nerea Elustondo, Nerea Ibarzabal, Oihana Iguaran, Ramuntxo Christy, Saioa Alkaiza, Sustrai Colina eta Unai Iturriaga.

Ekhiñe Zapiainen bertso jarriak

2024a biribiltzeko, Ekhiñe Zapiain bertsolariaren Metamorfosia bertso sorta ikusi eta entzuteko aukerea izango da. Zapiainek ondoan izango dau Manex Pagola musikaria.

Bardeetatik Hitzetik Hortzera: zapatuan, 21:00etan, ETB1n.