75. Santo Tomas Azokea

Santo Tomas Azokearen 75. edizinoak 121 produktore eta 235 etxola izango ditu. Horrezaz gan, Bisubi Fundazinoak 4.500 babarrun anoa solidario prestauko ditu putxeran; diru-bilketea, Aspanovas, Gregorio Ybarra, Norai eta Koop SF 34 alkarteei emongo deutsee. Aurreko urtean, 20.000 euro batu ebezen.

9:00etatik 20:00etara, Bilboko Arenalean, askotariko produktuak eta ohiko taloa jateko aukerea izango da. Tokiko produktuei jagokonez, 10 kategoreietan banatuta dagoz: haragia eta deribatuak (9 produktore); konserbak (15); frutak (4); barazkiak (10); esnea eta deribatuak (24); eztia (12); ogia eta pastelak (21); landareak (2); sagardaoa eta txakolina (17); eta beste batzuk (7).

Horreezaz gan, BBK Fundazinoak ondo egindako lana autortuko dau urtero lez, kategoria bakotxeko postu onenak sarituz.