Guatemalako nazinoarteko lankidetzeari buruzko erakusketea, Durangon

| Ikusi handiago | Argazki originala

Durangoko Udalak, Medicus Mundi Bizkaiagaz lankidetzean, nazinoarteko lankidetzea alkartasun globalerako tresna bezela balioesten dauen erakusketea inaugurau dau. Erakusketea urtarrilaren 12ra arte egongo da eskuragarri Landako 1en kanpokaldean eta Ibaizabal parkean. Durangotik Hegoaldera lehiaketea irabazi ondoren Guatemalara bidaiatu eben Durangoko lau gaztek sortu dabe.

Erakusketeak zazpi panel interaktibo ditu, QR kodeen bidez eskura daitekezen irudiak, testigantzak eta multimedia-edukiak konbinetan dituenak. Horreen bidez, bisitariek gazte horreen esperientzietan eta Durangoko Udalak Guatemalan kofinantziautako proiektuetan sakondu ahal izango dabe.

Durangok Medicus Mundigaz kolaboretan dau, Aliantzaren zentroak sexu-indarkeriatik eta personen salerosketaitik bizirik atera diran ume eta nerabeei arreta integrala emoteko egiten dauen lanari eutsiz, horreen eskubideak berreskuratzeko. Durangoko Udalaren laguntzino ekonomikoari esker, estrategia komunitarioak egin leikete gizarte-eraldaketaren ikuspegitik, komunidadeetan laguntza-taldeak eta sareak eratuz. Sareek sensibilizazino-lanak egiten ditue, kasuak identifikatuz. Lan horreek, funtsezkoak dira familia-mailako eta banakako prozesuetan laguntzeko.

Durangoko Udalak garapenerako lankidetzarekiko konpromisoa indartu dau, tokiko alkarteekaz eta Medicus Mundi Bizkaia lako erakundeekaz lankidetzean. 1966tik, Afrikan, Latinoamerikan eta Euskadin osasunerako eskubidea bermatzeko lan egiten dau erakunde horrek eta komunidade ahulenei eragiten deutsen egiturazko desbardintasunak eraldatzen laguntzen dau.

Durangoko Udalak herritar guztiak konbidaduten ditu erakusketea bisitatzera eta munduko beste leku batzuek aurrez aurre dituen errealidadeak gertutik ezagutzera, baita gizarte justuago eta solidarioago bat nahi daben ekimenak ezagutzera be.