Korrika aplikazinoa barriztauta dator

Bizkaie! 2024-12-10 09:38   Euskerea berbagai

Korrikarik bako urtea izan arren, Korrikarako eta Korrikazaleentzako albiste ona dakargu: aplikazinoaren diseinua barritu dogu eta hurrengo Korrikari buruzko albiste nagusiak zuokaz konpartidu ditugu, dakizuenez dagoeneko buru-belarri baikabiz ha atontzen.

Kantua, ibilbidea, omendua... gauza asko izaten dira zuen interesekoak, eta aplikazinoaren bitartez horreen gaineko informazioa helarazoko deutsuegu pixkanaka. Horrezaz gan, Korrikazaleokaz hartu-emon estuagoak eta Korrikari agertzen deutsazuen fideltasuna eskertu nahi dogunez, gaurtik bagilera erregalu bereziak banatuko ditugu zuon artean zozketen bidez. Hasteko, Korrikak Esne Beltzaren azken kontzertura konbidau nahi zaitu! zezeilaren 1ean, Bilbao Arenan, musika taldeak agur esango deutse oholtzei hamazazpi urte eta gero. Gainera, kontzertuan Korrikagaz lotutako ezustetxoa egoteaz gan, taldeak ondoko kolaboratzaileak izango ditu: Fermin Muguruza, La Pegatina, Green Valley, Amak, Xiberoots, Chambao eta El Canijo de Jerez baina sorpresak be iragarri ditue. Ekitaldi horretarako bost sarrera bikotx lortzeko zozketak egingo ditue abenduan eta urtarrilean.

Gainerako opariei jagokenez, irabazle subertau ezkero, honako honeek eskuratuko dituzu: Korrika katilua, lau liburu, Berriagaz alkarlanean Korrikaren urteurrena ospatzeko sortutako trixertea, Praktikatu Zerbitzuaren opari-kutxa (motxila, bolaluma, kantinplorea eta koadernoa) eta Malum Rex jatetxean afaltzeko zein bazkaltzeko 50 euroko bonua.

Zozketek prozedura erraza izango dabe: aplikazinoaren bitartez bialduko dogun inprimakia bete (izen-abizenak, e-posta eta telefono-zenbakia) eta zozketan parte hartuko dozu.

Korrikaren bihotza zure sakelakoan: albisteak, nobedadeak eta informazino garrantzitsuena, dana leku bakarrean. Eskaneatu QR kodea eta momentuan bertan izango dizu Korrika aplikazinoa!

Noiz izango dira zozketak?

1. Zozketea: abenduak 7, DA!

- Korrika katilua, Praktikatu Zerbitzuaren opari-kutxea, lau liburu, Esne Beltzaren azken kontzerturako sarrera bi, Korrika trixerta (Malen Amenabarren diseinua), Malum Rex jatetxerako bonua (50 euro).

Zozeketa bereziak

Esne Beltza ikusteko sarrera bi: abenduak 24.
Esne Beltza ikusteko sarrera bi: abenduak 25.
Esne Beltza ikusteko sarrera bi: urtarrilak 1.

2. Zozketea: urtarrilak 17

-Korrika katilua, Praktikatu Zerbitzuaren opari-kutxea, lau liburu, Esne Beltzaren azken kontzerturako sarrera bi, Korrika trixertea, Malum Rex jatetxerako bonua (50 euro).

3. Zozketea: zezeilak 14

-Korrika katilua, Praktikatu Zerbitzuaren opari-kutxea, lau liburu, Esne Beltzaren azken kontzerturako sarrera bi, Korrika trixertea, Malum Rex jatetxerako bonua (50 euro).

4. Zozketea: martiak 14

- Korrika katilua, Praktikatu Zerbitzuaren opari-kutxea, lau liburu, Korrika trixertea, Malum Rex jatetxerako bonua (50 euro).

5. Zozketea: apirilak 18

- Korrika katilua, Praktikatu Zerbitzuaren opari-kutxea, lau liburu, Korrika trixertea, Malum Rex jatetxerako bonua (50 euro).

6. Zozketea: maiatzak 16

-Korrika katilua, Praktikatu Zerbitzuaren opari-kutxea, lau liburu, Korrika trixertea, Malum Rex jatetxerako bonua (50 euro).

7. Zozketea: bagilak 12

- Korrika katilua, Praktikatu Zerbitzuaren opari-kutxea, lau liburu, Korrika trixertea, Malum Rex jatetxerako bonua (50 euro).