Berrio-Otxoa eta Pagasarribide ikastetxeak, sarituak 'PortaDA!' erronkan

| Ikusi handiago | Argazki originala

Euskal Herriko 30 ikastetxek Durangoko Azokearen PortaDA! lehiaketean parte hartu dabe, guztira 366 lan aurkeztuz. Euskal disko edo liburu baten azala erabilita, argazki barria sortzeko erronkea izan dabe, aurkeztutako lanek ikasleen sormen gaitasuna egiaztatuz.

Olgetako aukerea eskaintzeaz ganera, sariak be jokoan egon dira maila bitan banatuta: LH eta DBH-Batxilergoa. Halanda ze, epaimahaiak emon dau jakitera sariketearen emoitza: Pagasarribide eta Berrio-Otxoa ikastetxeetako irudiak izan dira garaile. Ondorioz, ikastetxe horreetara zenbait musikari joango dira emonaldiak eskaintzera, Musikariak Eskoletan ekimenaren eskutik.

PortaDA! erronkearen bidez, ikasleek euskal kulturea hartu eta emotea izan da helburua.