Euskal Herriko ikasleek goraino bete dabe Durangoko Azokea

| Ikusi handiago | Argazki originala

59. Durangoko Azokea indartsu hasi da. Ikasle Goizagaz edegi ditu ateak eta ume eta gazteek goraino bete ditue Landako pabilioiko kaleak eta azokearen ganerako guneak. Halanda ze, 1.300 ikasletik gora etorri dira Euskal Herriko hamaika txokotatik, euskal kultureareaz disfrutetako asmoz.

Ikasleentzako tailerrak egon dira gunez gune, besteak beste: leloak sortzeko lantegia Ahotsenean, bideoklipak produziduteko tailerra Irudienean, antzerki inprobisazinoa Szenatokian, collagea Saguganbaran, Gamer Gela Kabian, Basterretxearen obrean inspirautako diseinu sorkuntzea Museoan.

Euskal kulturearen transmisinoa lantzeko helburuz atontzen da aspalditik Ikasle Goiza. Aurton be, kulturea bizi, ikusi, sentidu, hartu eta emoteko goiza izan dabe. Ganera, gogoko dituen hainbat sortzailekaz aurrez aurre egon dira erakusmahaietan be.