Johnny Kurutxet hil da

Johnny Kurutxet. | Ikusi handiago | Argazki originala

Johnny Kurutxet, hil da, 78 urtegaz. Jean Kurutxet, San Frantziskon jaio arren, jatorriz Eztenzubikoa zan. Urte bi zituala Euskal Herrira bueltau eta berton bizi izan zan 19 urte bete arte.

AEBetara itzuli ondoren, euskerea eta euskal kulturea sustatzen jardun nekatuezina egin dau, baita bertsolaritzearen alde be. Besteak beste, 1988ko Gardnerville (Nevada) lehenengoz egin zan Bertsolari Txapelketean parte hartu eban.

Haren bertsolaritza ibilbidean, hamaika jaialditan parte hartu dau, baita Euskal Herrira egindako bisitetan be. Euskal Herriko Bertsozale Alkarteko egoitzean be egin eban bertsotan, Diasporatik izeneko bertso jaialdian. Aurton be, parte hartu dau diasporako bertso saioetan; azkena, San Frantziskon.

Euskal diasporako aurpegi ezagunenetako bat, alkarte askotan parte hartu izan dau, baita lehendakaritza karguak hartu be. Haren lanari autortzea egin eutsen 2003an, National Endowment for the Arts sari nazinonala emonez, bat-batean diskurso bat asmatzeko artea AEBetan be gordetzen egindako ahaleginagaitik.