Nekktar, Naxker eta Xaukena Xauk taldeen kontzertuak, 'Gazte Eztanda' egunean

| Ikusi handiago | Argazki originala

Abenduaren 6an Gazte Eztanda egingo da Durangoko Azokan. Gazteei eskainitako egitarau berezian, aurkezpenak, lehiaketea, kontzertuak eta ekintza askoz gehiago egongo dira egun osoan zehar. Holan, goizetik gauera disfrutetako plan aparta izango dabe gazteek. Belaunaldi arteko transmisinoa lantzea da ekimenaren helburua. Hartzea ematea da eta euskal kultureari gazteek emongo deutse arnasa etorkizunean.

Aurkezpenen egitaruan gazteen gustuko izan daitekezan ekitaldiak programau dira, besteak beste, Ane Berriotxoa eta Jone Arriolaren film proiekzinoak; Nize, Xsakara eta Kai Nakairen musika aurkezpenak; Miren Amurizaren eta Garazi Albizuaren liburu aurkezpenak; eta, LaburmetraDA film laburren maratoia. Egitarau osoa hemen konsultau daiteke.

Lehiaketa eta kontzertuak

Durangoko Azokako guneetako ohiko ekitaldiez gan, bestelako saio bi atondu ditue Gazte Eztanda egunerako: eguerdiko 14:00etan, Egin EztanDA! lehiaketan parte hartu ahalko dabe 15-25 edade tarteko gazteek, lauko taldetan. Lehiaketea Landako plazako karpan izango da eta kultura gaiak ardatz dituan olgeta formatuan egingo da. Izena emon gura daben gazteek 12:00etan izango dabe aukerea. Ekitaldia, Gerediaga Alkarteak eta EuskarAbenturak atondu dabe alkarlanean eta Eroski babesle izango da.

Bestalde, azokea 20:00etan zarratu arren, Gazte Eztandak gauez be jarraituko dau, izan be, 22:00etarako kontzertua iragarri dabe karpan. Nekktar (Durangaldea) eta Naxker (Atarrabia) talde gazteak igongo dabe oholtzara eta ostean Xaukena Xaukeko (Zaldibar) musikea jartzaileek girotuko dabe gaua.

Autobusak Gasteiztik eta Iruñetik

Gazte Eztandara joateko autobusak jarriko dira Gasteizen eta Iruñean. Izena emoteko, formularioa bete leikie gazteek: Gasteiz eta Iruñea.