'Hiruzpalau metro' erakusketea ikusteko azken egunak

Andres Rivas Rodís eta Teresa Camacho Belmonte. | Ikusi handiago | Argazki originala

Bizkaiko Batzar Nagusiak erakundeko Erakusketa Aretoak, Bizkaiko Batzar Nagusiak eta Euskal Herriko Unibersidadeko (EHU) Arte Eder Fakultadeak daben akordioari esker dator. Hiruzpalau, Artearen Sorkuntzea eta Ikerketea Masterreko (InCreArte) ikasle bik egindako lana da. Andres Rivas Rodís eta Teresa Camacho Belmonteren erakusketea zemendiaren 29ra arte egongo da edegita, goizeko 08:00etatik arratsaldeko 20:00ak arte. Sartzea doban da.

Andrés Rivas Rodísek (Santiago de Compostela, 2000), Arte Ederretan graduaua Universitat Politècnica de Valèncian eta Teresa Camacho Belmontek (Alacant, 1997), Arte Ederretan graduaua Alteako Unibersidadean, alkarregaz egin eben masterra 2023-2024 ikasturtean. Aldi horretan 40 metro koadroko tailerra konpartidu eben eta bertan egin zituen Batzar Nagusiak erakundearen egoitzan ikusgai egongo diran 20 artelanak. Hain zuzen be, lan horreek hilebeteetan asmau zituen lekuaren dimensinoak sortze-lanaren berezko elementu bihurtu ziran.

Lan egin eben espazioa (hortik dator erakusketearen izena), ikusmen, bizikidetzea, jarduketea edo baita gure adierazopen artistikoaren beraren ohiko moduak be dislokau zituan interferentzia, elementu lez jaso eben biek. Erakusketeak konpartidutako esperientzia islatzen dau, prozesua beste artista bategaz batera eta leku berean egiten danean zelan edegi eta kutsatu daiteken erakutsiz. Euren pintura deribazinoen bitartez, erakusketean egunerokotasunearen eta espazio intimoen arteko alkargunea aztertzen dabe biek, tailerreko mugak deseginez eta espazio komun eta hedakorra sortuz.

Emoten dau euren margolanek ez dabela bata besteagaz zerikusirik. Alde batetik, paleta grisaxka, metalikoa, baltz eta urdin hotzakaz; eta, bestetik, gorri asea, dardaratsua, pototik atara eta oihalera doan pinturea. Pintura batzuen inguruak zurrunak eta ebagitzaileak dira, planoan eusten diran egitura sendoak; beste aldetik, jausteko ilusinoagaz olgetan daben egitura ezegonkorren sistemen bidez ezartzen dan pintura-prozesua. Tailerra, kontzeptu ezbardinen arteko loturea izan zan. Ez dago benetan kontrakorik edo antagonikorik, dana batera existiduten da eta alkarrizketa alkarbanatutako espazio berean, aitatu dabe.

Erakusketea Bizkaian trebatutako talentu gazteen beharra erakusteko Bizkaiko Batzar Nagusiak erakundeko EHUko Arte Eder Fakultadeagaz orain dala hamar urte baino gehiagotik daben akordioaren beste kapitulu bat da. Horretarako, Batzar Nagusiak erakundeak Bilbo erdiguneko espazioa laga dau, euren heziketa zikloa amaitzen daben unibersidadeko ikasleen sormena Bizkaiko ikusleengana errazago heldu daiten. Hitzarmen horren ondorioz, 2011tik urtero hiru erakusketa atontzen dira graduondoko ikasketak unibersidade-zentroan amaitzen dituen ikasleakaz.