Lea-Artibai Sariak banatu ditue

| Ikusi handiago | Argazki originala

Leartibai Sarien hirugarren edizinoko sariak emon ditue Amorotoko udaletxeko aretoan. Ekintzailetzea bistarau eta eskualdeko ekintzaileei errekonozimendua emotea helburu dauen ekimena Leartibai Fundazinoak atontzen dau, Bizkaiko Foru Aldundia, Lea-Artibaiko Kooperatiben Mahaia Alkartea, Lea-Artibai Landa Garapen Alkartea eta Lea-Artibai eskualdeko 12 udalen laguntzinonagaz.

Guztira, 37 proiektu aurkeztu dira, igaz baino 6 gehiago, izan be, urtetik urtera ekimena gero eta indartsuago dabil eskualdeko ekintzaileen artean. 2023-2024 epealdian, Lea-Artibai eskualdean, negozino barria martxan jarri daben ekintzaileak parte hartu dabe lehiaketan. Holan, euren lana goraipatzeko eta bultzatzeko asmoz, 5 kategoria saritu dira.

Sarituak

- Negozio-idea barritzaile onenari saria, 2.000 € + garaikurra: Naivet - Albaitaritza integratzailea (Ondarroa). Ekintzailea: Naiara Arantzamendi.

- Ostalaritza, turismo eta zerbitzu enpresa onenari saria, 1.500 € + garaikurra: Aartaka - Zirko-motrizidadea. Arte eszenikoak (Ondarroa). Ekintzailea: Nahia Iparragirre.

- Merkataritza establezimendu onenari saria, 1.500 € + garaikurra: Anie - Arropa, osogarriak eta bitxiak (Ondarroa) Ekintzailea: Jaione Peña.

- Emakume ekintzaileari saria, 500 € + garaikurra: Zentrala - taberna-jatetxea (Barriatua). Ekintzailea: Olaia Urresti.

- Gazteek sortutako negozino-idea onenari saria, 2.000 €-ko 5 sari + garaikurra.

• 1. Alex Real Food - Dietista eta dibulgatzailea (Markina-Xemein). Ekintzaileak: Alex Arrate.
• 2. Babbel Kafetegia (Markina-Xemein). Ekintzaileak: Asim Intizar.
• 3. Etxabe Odriozola Eraikuntzak (Etxebarria). Ekintzailea: Julen Echave.
• 4. Habixi – Fisioterapia zerbitzuak (Ondarroa). Ekintzailea: Jugatx Gil.
• 5. Sormen Lantegia – Tailer artistikoak (Etxebarria). Ekintzailea: Mikele Sotil.

Laguntzino ekonomikoaz gan, irabazleek eta ekintzaile guztiek, Leartibai Fundazinoa bidelagun izango dabela azpimarrau dau Esti Plaza, Ekintzailetza eta Talentu arduradunak: Leartibai Fundazinoko ekintzailetza-teknikariak prest egongo gara beti zuen proiektuaren etapa bakotxean behar dozuen laguntzinoa eskaintzeko.

Ganera, negozino-idearen garapenean eta azelerazinoan etenik bako aholkularitzea eskaintzen jake ekintzaileei eta, Lea-Artibai Barrikuntza Gunean dagoan Enpresa Haztegiko espazioetan kokatzeko lehentasuna izateaz gan, Leartibai Fundazinoak kudeatutako hainbat programetan parte hartzeko erraztasun guztiak emoten deutsee.

Gazteentzako 5 sari

Bizkaiko Foru Aldundiak Lea-Artibaiko 12 udalerriakaz lankidetzan sustautako Udal Gaztedi Lea-Artibai 2024 proiektuaren barruan emon dira gazteentzako 5 sariak. Gazteen emanzipazinoa bultzatzea helburu dauen proiektua Leartibai Fundazinoak kudeatzen dau eta eskualdean negozioa jarri daben 5 gazteen artean 10.000 € banatzea ahalbidetu dau.