Gazteei zuzendatuko 'Hi Haiz Hi' lehiaketea sortu dabe

| Ikusi handiago | Argazki originala

Ametzagaiña taldeak, Eusko Jaurlaritzearen eta Gipuzkoako Foru Aldundiaren babesari esker, Hi Haiz Hi ekimena jarri dau martxan. Egitasmo horren helburua da 12 eta 16 urte bitarteko gazteek aisialdian euskeraz egitera bultzatzea. Abenduaren 2tik 15era izango da eta guztira, 14 personaia publiko asmau beharko dira. Guztira, hiru sari banatuko dira: sailkapen orokorrekoa eta aste bakotxeko sailkapenetako sariak.

Gazteek, personaia publikoen inguruan daben ezagutzea frogatzea einbestekoa izango da, euskerea lantzeko erronkak gainditzen dituen bitartean. Tresnea, web aplikazinoa da eta edozein gailutatik hihaizhi.eus weborriaren bidez saioa hasita jokatu ahal izango da.

Lehiaketea

12 eta 16 urte bitarteko gazteek hartu ahal izango dabe parte. Jokoaren dinamikea, eguneko personaia asmetea da. Horretarako, gai bat aurkeztuko da (kirola, musikea, zinemea...) eta lausotuta agertuko dan irudi batean oinarrituta, ezkutuko personaia zein dan jakin beharko da. Jokoa errazteko, euskerearen inguruko galderak asmetako, pistak jaso ahal izango dira. Guztira, bost saiakera egongo dira eguneko personaia asmetako.

Lehiaketeak aste bi iraungo ditu eta Euskal Herriko 14 personaia publiko asmetea da erronkea. Aste bakotxak sailkapen bat izango dau eta, ganera, txapelketa osoaren sailkapen orokorra be izango da.

Kontuak kontu, hiru sari banatuko dira, aste bakotxekoa eta sailkapen orokorrekoa hain zuzen be. Sari nagusia Irri Sarri Land abentura parkerako sarrera bi izango dira. Horrezaz gan, aste bakotxeko sailkapena irabazten daben lehiakide biek Jarioka mahai-joko bana jasoko dabe.

Lehiaketea abenduaren 2tik 15era izango da eta irabazleak abenduaren 16tik aurrera jakinarazoko dira.