Bilbok '#GazteKluba Gabonak' programea atondu dau

| Ikusi handiago | Argazki originala

Bilboko Udalak #GazteKluba Gabonak gazteen aisialdiko programea jarri dau martxan. Halanda ze, abenduaren 26tik urtarrilaren 4ra bitartean, hainbat kokalekutan, aisialdi osasungarriko 16 jarduera egingo dira. Jarduera horreen helburua da jolaserako espazioa eskaintzea gazteei, besteak beste sormena, kirola edo teknologia sustatzeko.

#GazteKluba Gabonak programako jarduera gehienak doban izango dira eta ordainpekoek, 2 edo 5 euroko kostu sinbolikoa izango dabe. Jardueraren batean parte hartu nahi daben gazteek zemendiaren 29tik abenduaren 8ra bitartean emon behar dabe izena, hemen.

Programazinoa

- Jantza:

• K-Pop lehiaketearen V. edizinoa Bilborocken, abenduaren 26an, eguena, 17:00etatik 20:00etara. Beharrezkoa da izena emotea lehiaketean parte hartzeko.  Sartzea doban da.     
• Afrobeats jantza-tailerra Zorrotzako Auzoka komunidade-zentroan, abenduaren 26an, eguena, 12:00etatik 14:00etara. Doban.       
• Urban Style jantza-tailerra Esperantzan, urtarrilaren 3an, barikua, 17:00etatik 18:30era. Doban.     

- STEAM jarduerak:

• Campus teknologikoa La Perreran (Sabino Arana, 50, Basurtu), abenduaren 26 eta 27an, eguena eta barikua, 17:00etatik 19:30era. Doban.      
• Tailerra 3D inprimagailuekaz (Gabonetako dekorazinoa) Esperantzan (Itxaropen kalea 4), abenduaren 13an, 17:30ean. Doban.

- Urteerak:     

• Donostiako Izotz Jauregia, abenduaren 27an, barikua, 10:30etik 16:00etara. 5 euro balio dau.       
• Scape Room Barraincua 9n, Abando, abenduaren 28an, zapatua, 10:00etatik 12:15era. 2 euroko kostua dau.
• Donostiako Izotz Jauregia urtarrilaren 3an, barikua, 10:30etik 16:00etara. 5 euro balio dau.       
• Baserri bati bisitea Elorrion, urtarrilaren 4an, zapatua, 10:00etatik 14:00etara. 2 euroko kostua dau.
• Iges-gela Tere Verdes pasabidean, urtarrilaren 4an, zapatua, 17:00etatik 18:30era. 2 euroko kostua dau.

- Kirol-jarduerak:

• Yumping Yard Derion, abenduaren 26an, eguena, 10:00etatik 14:00etara. 2 euroko kostua dau.
• Arku-tiroa Errekaldeko Gaztegunean, abenduaren 28an, zapatua, 18:00etatik 20:00etara. Doban.      
• Joan gaitezen Portugaleteko bolatokira!, abenduaren 30ean, astelehena, 17:00etatik 19:30era. 2 euroko kostua dau.
• Eskalada eta zinema Ballonti merkataritza zentroan, Portugalete, urtarrilaren 3an, ostirala, 12:15etik 17:00etara. 2 euroko kostua du.

- Tailerrak:

• Gabonetako postreak Otxarkoagako Gaztegunean, abenduaren 27an, barikua, 11:00etatik 13:30era. Doban.      
• Ukelelearen hastapenak Deustuko Gaztegunean, urtarrilaren 2an, eguena, 18:00etatik 20:00etara. 2 euroko kostua dau.
• Zaku termikoak, Iralako Gaztegunean, urtarrilaren 3an, barikua, 11:30etik 13:30era. Doban.       
• Festa-kanapeak, Errekaldeko Gaztegunean, urtarrilaren 4an, zapatua, 18:00etatik 20:00etara. Doban. 
• Sukaldaritza, abenduaren 20an, 17:30ean, Esperantzan (Itxaropen kalea 4). Doban. 
• Antzerkia, abenduaren 28an (11:30) eta urtarrilaren 2an (17:30), Esperantzan (Itxaropen kalea 4). Doban.