Martxan da 'Guztiok batentzat' sensibilizazino-kanpainea

| Ikusi handiago | Argazki originala

Emakumeen arteko sororidadea eta ekintza kolektiboa sustatzea, indarkeriaren aurrean alkarri laguntzea eta, aldi berean, etorkizuneko Gurari Emakumeen Etxea ikusarazotea dira zemendiaren 25ean Emakumeen kontrako Indarkeria Desagerrarazoteko Nazinoarteko Eguna egingo dan eta Getxoko Udalak atondu dauen Guztiok batentzat konzientziazino eta sentsibilizazino kanpainearen helburuak.

Kanpaineak islatzen dau Udalak indarkeria matxisten kontrako burrukan dauen konpromisoa, emakumeen eta gizonen arteko desbardintasunaren adierazpen nagusia dana. Getxo segurua, inklusiboa eta gizartean errotuta dagoan egiturazko indarkeriarik barik eregiteko konpromisoa berresten dau nabarmendu dabe Amaia Aguirre alkateak eta Carmen Díaz Gizarte Kohesinorako zinegotziak.

Halanda ze, Emakundek, EUDELek, eta Bizkaiko, Arabako eta Gipuzkoako Foru Aldundiek sustatutako Indarkeria matxista ukatzea haren alde egitea da kanpainea sortu dabe.

Kanpainearen euskarriak

Guztiok batentzat. Emakumeenganako indarkeriaren aurka, ez zaude bakarrik leloa herritarrengana helduko da hainbat lekutan edegiko diran kartelen bidez, esaterako metro-geltokietan eta bus-markesinetan, baita sare sozialetan eta udaleko hedabideetan be.

Mezuak indarkeria bizi daben emakumeei laguntzeko sareek eta gizarte zibileko erakundeek eskaintzen daben gizarte laguntzinoaren garrantzia azpimarratu nahi dau.

Ekintza kolektiborako deia da, laguntzinoaren garrantziak indarkeriarik bako eta tratu on eta alkartasuneko hartu-emonak eregitea ahalbidetzen dau, emakumeak bakarrik sentidu ez daitezan, nabarmendu dau Gizarte Kohesinoko zinegotziak. Egitasmoak, Gurari Getxoko Emakumeen Etxea be ikusarazoko dau, ahalduntze personalerako eta kolektiborako gune edegia, udalerriko emakume guztiei babesa, harrerea eta informazino eta prestakuntza baliabideak eskainiko deutseena.

Urtero lez, Bozeramaileen Batzordeak Adierazpen Instituzionala kaleratuko dau zemendiaren 25an. Ganera, pankartak puntu moreagaz jarriko dira udal-eraikin nagusietan eta zemendiaren 21etik 27ra Areetako Kaia pasealekua eta hainbat igogailu publiko morez argiztatuko dira.

Udalerriko entidadeek atondutako jardueren artean, Gizatiar, Romo-Areetako emakumeen gizarte eta kultura alkarteak hainbat jarduera atondu ditu, besteak beste, berbaldiak eta antzerkiak.