Badator Jokoan

| Ikusi handiago | Argazki originala

Zemendiaren 23an eta 24an, Zelaieta Zentroko IV. Frontoian, Jokoan, mahai-jokoen jaialdia, egingo da. Jarduera dibertigarriak izango dira, familian edo lagun artean ondo pasetako.

Ekitaldia, egun bitan egingo da eta txanda bi izango ditu: goizez 11:30etik 14:00etara eta, arratsaldez, 16:30etik 20:00etara.

Hiru espazio eta mahai-jolas ugari

Ekitaldiak hiru guneetan egongo dira: Gune orokorra, Familia gunea eta Merkataritza gunea.

• Gune orokorra: 9 urtetik gorakoentzat eta helduentzat pentsauta, 20 mahai-joko egongo dira erabilgarri. Jokoen artean, besteak beste, Aventureros al tren, Love letter, Mariposas, Ten, The island, Potion explotion eta River dragons izango dira. Sartzea doban izango da, beti be, mahaiak libre badagoz. Ganera, jokoak ulertzeko laguntzinoa behar izan ezkero, persona bat prest egongo da dinamikea adierazoteko.
• Familia-gunea: 4 urtetik gorakoentzako. Bertan 24 mahai-joko egongo dira eta parte hartzeko erreserbea egitea beharrezko da. Horrezaz gan, talde bakotxean heldu bat egotea derrigorrezkoa da. Monitoreek jokoak aukeratzen lagunduko dabe eta beharrezkoa izan ezkero, arauak adierazoko deutsee parte-hartzaileei. Aukeran egongo dira, esaterako, Dobble, Escondite fantasma, Bihurrikeriak, Abejitas zum zum, Serpentinas, Pelusas edota Ouch lako jolasak.
• Merkataritza-gunea be izango da, Joker dendearen eskutik. Bertan, mahai-joko barriak probau eta erosteko aukerea egongo da. Aurton, ganera, Joker dendearen 30. urteurrena egingo da, halanda ze, erosketak egiten dituenentzat hainbat sorpresa egongo dira.

Informazino gehiago edo erreserbak egiteko, deitu 946300649 telefonora edo konsultau www.jokoan.com webgunea.