PI L.T. taldeak 'Balak Airean' disko barria plazaratu dau

Bizkaie! 2024-11-21 09:01   Musikea

Sei kantu batu ditue taldea markatu daben ezaugarri guztiak bere horretan eta indarbarrituta nabarmendu daitekez. Testuetan, gaur egungo gizartea eta bizimodua dira oinarri.

Balak Airean 2024ko zezeila eta Iraila bitartean Bilboko Koba estudioan Xanpek grabau nahastau eta masterizautakoa da.

Zemendiaren 21ean Balaunkagaz argitaratuko da eta, euskarri digitaletan, CD zein biniloan izango da eskuragarri.

Mila begi, mila belarri, mila buru..., batzuetan, nahikoak ez diralako egunerokoari aurre egiteko. Balak airean dabiz.

Kantuak:

1. Balak airean.
2. Banpiroak.
3. Katuarena.
4. Garai honetan.
5. Eskua.
6. Oraindik ez dakizun arren.

PI L.T.

• Rafa Rueda: Abeslaria eta gitarristea.
• David Gonzalez: Bajistea.
• Aitor Abio: Tekladuak.
• Xanpe: Batería.
• Musika: PI L.T.
• Berbak: Rafa Rueda.
• Produkzino musikala: PI L.T.
• Argazkiak: Aitor Abio.
• Diseinua: David González.

Kontzertuak

2024/11/22 - Azpeitia @ Sanagustin Kulturgunea + @rosoinuak_
2024/12/14 - Lizarra @labotapena + @lubaki_band
2025/01/10 - Gastei @jimmyjazzgasteiz + Lepora
2025/01/11 - Bilbao @kafe_antzokia + @leihotikantaldea
2025/01/18 - Donostia @dabadabass
2025/01/23 - Arrasate @arrasatekogaztetxia
2025/03/15 - Bartzelona @deskomunalcoop
2025/04/12 - Gernika @iparragirrerock
2025/05/17 - Valentzia @16toneladas_rockclub
2025/06/14 - Logroño @salafundicion

Kontratazioa zabalik: @maukamusik

Kontzertuetarako sarrerak hemen.

PI L.T.

Talde mungiarrak, laurogeita hamarreko hamarkadearen hasieran Rafa Ruedak, Aitor Abiok, Xanpek, Txarlie Solanok eta David Gonzalezek (geroago taldera batuko zana) sortua, sona handiko ibilbidea jorratu eban hamar urtean. Hamaika saio eta kontzertu kopuru zenbatezinen ondoren 5 disko luzeko uzta sendoa itxi eben estilo eta sonoridade ausart eta bereziaka buztartuz.

2006an taldea desegin zen 2017an barriro bueltetako (oraingoan boskote moduan taldean parte hartutako kide guztiak taula gainean batutaa). Buelta horretan kontzertu gitxi batzuk baino ez zituen emon aretoak lepo bete zituen hasierako jarraitzaileen poza eta gozamenerako.

Balak Airean diskoa PI L.T. taldearen 20 urteko geldialdi baten ostean kaleratuko dauen lehen kantu bildumea da. Indarra, melodia, sendotasuna, eklektikotasuna eta jakin-mina dagoz lan honetan 20 urteko jakinduria eta esperientzia azaleratuz.