BertsoDerbia, zemendiaren 22an Mungian

| Ikusi handiago | Argazki originala

Athletic Club Fundazinoak, Real Sociedad Fundazinoagaz batera, BertsoDerbiaren edizino barria atondu dau. Oraingoan, bertsolaritzearen futbol-hitzordua Mungian izango da, zemendiaren 22an, 11:15ean, Olalde Aretoan. Aissa Intxausti eta Mikel Goiriena izango dira athleticzaleen ordezkari eta Ane Zuazubiskar eta Aitor Tatiegi realzaleenak. Gai-jartzaile moduan, Andoni Egañaren gorentasunaz disfrutau ahal izango dabe.

Ez da sarrerarik salgai egongo, aurtongo BertsoDerbia Mungiako ikastetxeetako DBHko 1. mailako ikasleei zuzenduta baidago: IES Mungia BHI, Larramendi Ikastola eta Bentades Ikastetxea. Nobedade bezela, ganera, San Mameseko derbira amagaz/aitagaz/tutoreagaz joan ahal izango diran ikasleen arteko bertso txapelketea txikia atonduko da.

Athletic Club Fundazinoak, BertsoDerbia lako ekitaldien bidez, euskal kulturea, bertsolaritzea eta euskarearen erabilerea sustatu nahi ditu. Real Sociedad Fundazinoagaz lankidetzea estuan ibiltzeak derbia lako partida garrantzitsu batean lehia osasuntsua sustatzea ahalbidetzen dau, errespetua, kirola eta kulturea buztartuz.

Partidua, hilaren 24an izango da, domekan, gaueko 21:00etan, San Mamesen.