Postal Kolekzionistak taldeak ‘Ezusteko Kantak: errinozerontea’ plazaratu dau

| Ikusi handiago | Argazki originala

Bapatean datozen kantuak, di-da sortzen diran horreek batzen ditu Postal Kolekzionistak talde tolosarraren lan honek, Ezusteko Kantak: errinozerontea izenpean. Bildumako lehenengo zatiak ia urtea beteko dauen honetan helduko dira kantu barri honeek, danen artean zazpi kantuko bildumea osotuz.

Errinozeronteak badau indar ikonikoa sortzailearen eretxiz: Bahman Gobhadi zinema zuzendari iraniarraren metafora bisuala erabili neban esaldi bat osotzerakoan eta sentidu neban -kolpetu gaitu errinozeronteak- esaldi harek laburbatzen ebala zeozelan Ezusteko Kantak kontzeptua. Diskoa bada kolpetu gaituen errinozeronteek sortutako lana, neurri batean azaldu dau Iñigo Asensiok.

Sortzaileak zehaztu dauenez, Ezusteko Kantak gehiago izango dira bilduma honi jarraipena emoteko. Kantak berak ezustean harrapatzen dau musikaria eta kanta horreetako batzuk agertzen dira hurrengo martitzenean, hilaren 19an, kaleratuko daben lan barrian. Ez dira bakarrik ibili zazpi kantu honeetan eta lehen bilduman Mugan taldeko Pablo zein Aneren alkarlanak entzun ostean, Sara Azurzaren kolaborazinoa jasoko dau Errinozerontea kantuak.

Zemendiaren 19an kaleratuko dabe tolosarrek euren hirugarren lana eta ohiko plataformetan entzun ahal izango da; eta lehenengoz Durangoko Azokan egongo da bildumea formatu fisikoan lortzeko aukerea.