Hala Bediko Bertxoko irratsaioaren jai handia egin dabe

Bertxoko Eguna ospatzen. Erretratua: Ruben Argote. | Ikusi handiago | Argazki originala

Badira 21 urte Bertxoko irratsaioa martxan jarri ebela eta urteak ospatzeko Bertxoko Eguna atontzea erabagi eben bertxokotarrek. Eguerdiko 12:00etan Hala Bedi tabernan batu, armozau eta agur erronda pare bategaz emon eutsen egun euritsuari hasierea 10 bertsolariek. Tabernak hutsik baina kopla eta potez beteta ekin eutsenn aurrera bertsozale kuadrileak, orain zenbait urteko “Bertxorakeriketa” txapelketearen formatua berreskuratzea baitzan helburua. Bertso-poteo luze bat aurretik Parral, Elizondo, Garraxi, Txinbo, Txapelarri eta Hala Bedi tabernetatik igaro behar baitziran.

Hasieran, bikoteka abestu eben taberna bakotxean bata bestearen kontra bertxokotarrek zehaztutako gai bati erantzuna emonez. Hispanidade eguneko bertso saioa, juergetako ligoteoak, ETB... lako gaiakaz kantuan ibili ziran publiko handiaren gozamenerako. Poteoaren bigarren zatian, barriz, erronka ugari jarri jakezan bertsolari bikoteei, Rikardok ez dituan pegatinak topetea, etxeko giltza sortak ostutea... Poteoa asko luzatu bazan be bikain bete zituen euren probak.

Bazkalordua heldu eta Beheko Sua alkartean jarraitu eban jaiak, bazkaldu eta ondorengo mikro edegi inprobisaduagaz. Amaitzeko, Liburutopiak atondutako bertso papel txapelketako finalisten emonaldia izan eben bertsozaleek. Finalista ziran Ainhoa Garzia Monterok, Iker Legorburu Arregik eta Rikardo Gonzalez de Durana Alzolak euren bertso sortak abestu zituen eta publikoaren txalo artean iragarri eben irabazlea, Iker Legorburu Arregi. Zorionak.

Arratsaldean zehar Kutxiko tabernetatik ibili ziran, batzuk bertsotan besteak barreka, egitarautik kanpoko poteo ez-ofizialagaz. Egun euritsua izan bazan be gogotsu dagoz hurrengo urteko bigarren edizinorako, egitarau xumeek funtzionau eta bertsozaleak batzen dituelako. Bien bitartean, segidu eizue Bertxoko entzuten, eguaztenero 104.7FM Hala Bedi irratian.