MusEkintza jaialdiak Bizkaiko bederatzi museo eta gunetan eskainiko ditu emonaldiak

Bizkaie! 2024-11-06 08:27   Kulturea

Bizkaiko Museoetako Arte Eszenikoen Jaialdiaren laugarren edizinoa 2024ko zemendiaren 16an hasiko da. Leixuri Arrizabalaga Bizkaiko Foru Aldundiko Euskara, Kultura eta Kiroleko foru diputaduak MusEkintzearen programazinoa aurkeztu dau, Museoetan jorratzen dan arte eszenikoen jaialdia, Bizkaiko Foru Aldundiak bultzatutako ekimena.

Jaialdiak misterioa, antzerkia, jantzak, itzalen laborategia, clownak, zirkua eta kontzertuak eskainiko ditu Bilboko Arkeologia Museoa, Bakioko Txakolingunea, Txakolinaren Museoa, Gernika-Lumoko Euskal Herria Museoa eta Europako Herrien Parkea, Balmasedako La Encartada Fabrika-Museoa, Bermeoko Arrantzaleen Museoa, Muskizko El Pobaleko Burdinola eta El Castillo de Muñatones eta Kortezubiko Santimamiñen.

Jaialdi honek eskainiko dauenaren lagin txiki bat taularatu dan prentsaurrekoan, Euskera, Kultura eta Kirol diputaua dan Leixuri Arrizabalagak ondokoa adierazo dau: ekitaldi bakotxak kulturea modu parte-hartzailean bizitera gonbidetan gaitu, ikuspegi barri eta aberasgarri bat ardatz hartuta. MusEkintzearen bidez, museoak beste era batera erakutsi nahi ditugu, eta, aldi berean, Bizkaian arte eszenikoen arloan dagoan aniztasunaren erakusleiho bihurtu.

Arte eszenikoetan aberatsa dan programazino honek ikusleen esperientzia indartuko dau espazio bakotxerako argiztapen eta dekorazino-proiekzino espezifikoari esker. Ikuskizunetako batzuetan girotzea sortuko da, argiztapenagaz, bideo eta soinu-proiekzino mapeatuakaz, aukeratutako espazioan esperientzia bat sortzeko, publikoak museo bakotxean ekitaldi artistikora egin beharreko aurreko urratsagaz batera.

MusEkintzak diziplina artistiko ugari batzen ditu

Zemendiaren 15ean, MusEkintzak hasierea emongo deutso Arkeologia Museoko fatxadearen argiztapen berezi bategaz. Hilaren 16an, Arkeologia Museoak hilketa bat argitu beharko dau. Mikel Santiago idazleak diseinautako misteriozko olgeta honek normalean bisitetan ez diran Museoko espazioak ezagutzeko aukerea eskainiko dau errudunaren bilaketa honetan. Publikoak asmau beharko dau nork egin dauen hilketea.

Txakolin Museoa (Bakio), urtarrilaren 18an, Gurutze Beitiak eta Gorka Aginagaldek Juntos y Revueltos ekitaldia aurkeztuko dabe, stand-up estiloko bakarrizketa-ikuskizuna, artisten arteko kimikeak barre eta hausnarketak bermatzen dituana. Euskal Herria Museoak (Gernika-Lumo) Lapiel Antzerkiak taldearen Urargi antzerki esperientzia interaktiboa hartuko dau zezeilaren 8an, ura eta argia ingurune sensorial parebakoan buztartzen dituan umeentzako ikuskizuna.

Musekintza El Pobaleko Burdinolara (Muskiz) be helduko da, martiaren 15ean, A Film to Kill For filmaketan. Bertan, ikusleek produkzino etapa guztietan parte hartuko dabe, makilaian zein azken edizinoan.

Encartada Fabrika-Museoak (Balmaseda) jantza emanaldia eskainiko dau martiaren 22an. Osa+Mujika konpainiak Bueltaxka aurkeztuko dau, kanpoko gogobetetea bilatea baztertzea proponiduten deuskuna, obra introspektiboa. Ondoren, lantaldeagaz berba egiteko gune bat edegiko da.

Apirilaren 12an, Arrantzaleen Museoaren (Bermeo) txandea izango da. Umeentzako Laborategia + Itsas (h)Ondokoak izeneko Naita Produkzinoak taldeak diseinautako tailer eta antzerkiaren bitartez, umeak piraten eta itsas umeen munduan sartuko dira.

Arrantzaleen Museoan (Bermeo), maiatzaren 10ean, Mikel Urdangarinek kontzertu akustikoa eskainiko dau.

Maiatzaren 31n, MusEkintzea Muskizeko Muñatones gaztelura helduko da, Ganso & Cíaren Welcome & Sorry ikuskizunagaz, Hamleti buruzko keinu-parodia publiko guztientzat.

Europako Herrien Parkeak (Gernika-Lumo) hartuko dau bagilaren 14an: Zirkozaurreren Kobr3 ikuskizuna, kobrea protagonista dauen zirku garaikideko ikuskizuna, malabare eta koreografia geometrikoen olgeta batean.

Eta MusEkintzearen laugarren edizinoari amaierea emateko, Santimamiñen (Kortezubi) Golden Apple Quartet taldearen kontzertua izango da bagilaren 28an. Quartet ahots laukoteak Vamos, que nos vamos ikuskizunagaz zarratuko dau birea, ahots hutsez, umorez eta musikaz betetako ikuskizuna, lau hamarkadaz inguru naturalean abestuz osotutako ikuskizuna.

Ikuskizunetara joateko, ekitaldi bakotxaren aurretiko erreserbea egin behar da. MusEkintzeari buruzko informazino guztia konsultau hemen.

Ikusi argazki guztiak handiago