Mikele Arizkorreta, Hitzetik Hortzeran

Mikele Arizkorreta. | Ikusi handiago | Argazki originala

Legazpin izango da aste honetan Hitzetik Hortzerako lantaldea eta Mikele Arizkorreta aktoreagaz alkartuko dira bertan. Hainbat antzerki eta telesailetan lan egin dau Arizkorretak eta, laster, Go!azen telesailaren denporaldi barrian izango da Saioaren papelean. Hirugarren aldia izango da bertan parte-hartzen dauela.

Go!azen telesailaren arrakasteari buruz ibiliko dira Mikele Arizkorreta eta Mirari Martiarena, izan be, Euskal Herriko ume eta gaztetxoen artean oihartzun handikoa da jantzea eta kantua buztartzen dituan telesailak. Grabaketak udan egin zituen eta laster izango dira barriro be Basakabiko gazteen abenturak ETB1en ikusgai.

Arizkorretak, beti izan dau gogoko bertsolaritzea; etxetik jaso eban bertsozaletasuna eta 8 urtegaz hasi zan Legazpiko bertso-eskolan. Gaur egun nahi baino gitxiagotan joaten da bertso-eskolara, baina gertutik jarraiten dau bertsolaritzea. Bertan ikasitakoak aktore ibilbidean emon deutson laguntzinoari buruz be ibiliko dira.

Lekeitioko eta Donostiako bertso saioak

Bertso-zine Gaua saioa atondu eben Lekeitioko Zine Bileran. Bertan ibili ziran kantuan Miren Amuriza, Onintza Enbeita eta Xabat Galletebeitia. Ainhoa Urienek egin zituan gai-jartzaile lanak.

Donostian, barriz, bertso saioa izan zan EHUko Hezkuntza Fakultadean. Euskera Minorreko ikasleek egin zituen gai-jartzaile lanak eta bertsotan Nerea Ibarzabal, Eli Pagola eta Irantzu Idoate izan ziran.

Hitzetik Hortzera: zapatuan, urriaren 26an, gaueko 21:00etan, ETB1en.