Emakume zientifikoak protagonista Bilbon

| Ikusi handiago | Argazki originala

Bilboko Udaleko Bidebarrieta Kulturguneak Emakumeek zientzia egiten dute zikloa hartuko dau datorren zemendian, emakumearen eta zientziaren paradigmeari ikuspegi ezbardinetatik heltzeko.

Adimen artifiziala, indarkeria obstetrikoa, zinemako zientzialariak eta klima-aldaketea izango dira aurtengo topaketen ardatz.

- Eguena, zemendiak 7: Adimen artifizala matxistea ete da? Hizlaria: Lucía Ortiz de Zárate Alcarazo.

Teknologiei buruz idea nagusietakoa da neutralak dirala, ideologiarik ez dabela, ez dirala ez onak ez txarrak, nork eta zelan erabilten dituan dala gakoa. Konferentzia honetan mito hau bertan behera itxi eta teknologia asko, baita adimen artifizialekoak be, berez politikoak baitira. Genero-jokeren presentziak agirian ixten dau IAk batzuetan emakumeakanako diskriminazino-egoerak sortzea eragiten dauela. Hori dala eta, Bidebarrietan, IAren inplikazino etiko batzuk ikuspegi feministatik jorratuko dira, egoera bidebako bat salatzeko eta genero-bardintasuna lortzeko aukera barriak marrazteko.

Lucía Ortiz de Zárate Alcarazo Etika eta Adimen Artifizialaren Gobernantzako ikertzailea da Madrilgo Unibersidade Autonomoan, eta Arte Ederren Zirkuluko ikertzaile alkartua. CIDOB-Santander foroak egindako Gobernantza algoritmikoko eta adimen artifizialeko etorkizuneko liderren 35 under 35 zerrendako kidea eta 2023/2024 ikasturtean Harvardeko Unibersidadeko Zientzia, Teknologia eta Gizarteko programko Visiting Fellow izan zan.

- Eguena, zemendiak 14: Indarkeria obstetriko, erdigunea geurea ete da. Hizlaria: Desirée Mena Tudela

- Eguena 21: Emakume zientifikoaren imajinarioak eta irudikapena zinema. Hizlaria: Ana Sedeño Valdellós.

- Eguena, zemendiak 28: Klima aldaketara egokitzen. Hizlaria: Elisa Sainz de Murueta

Bideharrieta Kulturgunea Bidebarrietako Liburutegiak kulturea zabaltzeko dauen gunea da. Helburuen artean literaturea, ezagutzea eta dibulgazino zientifikoa sustatzea dago.

Bertaratzerik izan ezean, aurkezpena streaming bidez jarraitu ahal izango da Bidebarrieta Kulturguneko YouTube kanalean.