24 orduko ikus-entzunezko abenturea Elorrion

| Ikusi handiago | Argazki originala

Ikus-entzunezkoen zaleen topaleku bihurtu da Elorrio, aurton 19 edizino beteko dituan 24 Ordu Digitalean lehiaketeari esker. Sormen, originaltasun, idea eta istorio ugari eskaintzen dituan lehiaketea da, adierazo dabe atontzaileek. Parte-hartzeari jagokonez, beti izan da ona. Durangaldetik eta Euskal Herriko txoko guztietatik etorten dira partaideak, baita Elorritik be, jakina.

Barikuan, 17:00etan jakinarazoko jake parte-hartzaileei film laburretan agertu behar diran esaldi, objektu eta gai zehatzak. Momentu horretatik aurrera 24 ordu izango ditue lan-taldean ikus-entzunezko produktu artistikoa sortu eta aurkezteko, autogestionautako baliabide eta teknologiekaz.

Filmak formatu digitalean aurkeztu beharko dira: .avi (konpresino barik) edo .mov (H264 edo MP4). Ganera, 16:9 formatuan eta 4:3 formatuan aurkezten bada, banda baltza gehitu beharko jako. Emisino formatua 16:9 izango da.

Film laburren proiekzinoak zemendiaren 2an, 20:00etan, izango dira, Arriola Antzokian. Amaitu ostean egingo da sari banaketea.

Kontuak kontu, talde irabazleak 700 euro irabaziko ditu eta beste finalista biek, 500 euro bakotxak.

Izena emoteko idatzi 24ordu@arriolaka.com helbidera.