'Eres Tu' Hannot Mintegia Gernikako musikari eta konpositorearen lehen soinu-bandea da

| Ikusi handiago | Argazki originala

Plataforma digital nagusietan zemendiaren 15ean argitaratuko dan lan instrumental hau Lorea Pérez de Albénizek zuzendutako Eres tú: De Mocedades a El Consorcio (2023) dokumentalerako sortu da. Film luzeak Mocedades eta El Consorcioren historia aztertzen dau, Espainian azken berrogeita hamar urteotako musika talde adierazgarrienetako bi. Soinu-bandan jatorrizko 12 pieza dagoz, dokumentalaren produkzinoagaz batera sortutakoak, 2023ko garagarrila eta abendua bitartean. Orain, Hannotek pauso bat emon dau soinu- banda hau lan autonomo lez argitaratuz.

Hannotek azaldu dauenez, dokumental talde osoa, baita protagonistak be, oso pozik geratu dira emoitzeagaz. Musikeak narrazinoaren barruan ezin hobeto funtzionetan dau.

Diskoaren konposizinoa, grabazinoa eta produkzinoa espazio esanguratsu bitan egin dira, bai Hannotentzat, bai dokumentaleko protagonistentzat eurentzat be: Aitor Etxebarria musikari, konpositore eta produktorearen estudioa da. Hannotek adierazo dauenez, oso soinu berezia dauen espazioa, sormenez betea.

Aukeratutako bigarren lekua Tio Pete Studios izan zan, Urdulizeko grabazino estudio mitikoa, Los Mitos, Mocedades eta El Consorcioko kide dan Carlos Zubiagarena, hau be dokumentaleko protagonistetako bat. Hannotek gaineratu dauenez, hamar disko baino gehiago grabau eta produzidu ditut estudio horretan, Jose Lastragaz batera. Aretoaren diseinuak, Philip Newell soinu-injineruak diseinautakoak eta mikrofono zaharren bildumeak konposizinoei izakera hori emon deutse bila nenbilen garai jakin bat.

Zu zara: From Mocedades to El Consorciora musikeak protagonismoa dauen dokumentala da. Mocedades eta El Consorcioren doinuak betikoak dira, oso ezagunak, ahots-lan enblematikoak dituena. Horren harian, konpositoreak ondokoa hausnartu dau: Hasieratik jaubetu nintzen gure memoria kolektiboko klasiko horreei musika barria gehitzeko zailtasunaz. Banekien oreka bat topau behar nebala: zeozer barria sortu nostalgia trabau barik eta doinuen pisua, kontraste zintzoa bilatu dot, baina hareen abestien eta nire jatorrizko piezen arteko bereizketea, protagonistakaz eta hareen istorioagaz lotuz.

Helburu hori lortzeko, alderdi nagusi bitan oinarritu da Hannot: denporaltasuna: herri-irudimenean, El Consorcioren musikearen mitoa sendotu zan 1960 eta 1970eko hamarkadetan eta horregaitik, garaiko instrumentuetara jo dau, alemaniar gitarra eta anplifikadore zaharrak erabiliz. Bigarren alderdia dokumentalaren tratamendu bisuala da, argazki argitsua dau ezaugarri, ameskeria eta samurtasun ikutu bategaz.

Azkenik, El Consorciok Latinoamerikagazko lotura berezia be islatu nahi izan dau Hannotek, bidaia transatlantiko hori gogorarazoten daben musika pasarteak tarteko dirala.

Ondorioz, entzuteko erraza da, neoklasikoa eta intensidade bajuko soinu-esperimentazinoa ardatz 12 pieza instrumentalen bildumea da.

Eres Tú Forbidden Colours argitaletxeak argitaratuko dau 2024ko zemendian.