XXXVI. Ziortzako Kontzertuak zikloan irailaren 14an izango da lehenengoa

| Ikusi handiago | Argazki originala

Antxinako musika zikloaren aurkezpena egin dabe gaur, hilak 12, Bilboko BBK Salan. Ziortzako Kontzertuak Kultur Elkarteak eratutako zikloak hainbat laguntzaile ditu: BBK Fundazinoa, Bizkaiko Foru Aldundia, Gondra-Barandiaran Fundazinoa, Ziortza-Bolibarreko Udala.

Aurkezpenean parte hartu dabe, besteak beste, Gorka Martínez BBKren Zuzendari Nagusiak, Begoña de Ibarra Zuazo Bizkaiko Foru Aldundiko Kulturako Zuzendari Nagusiak, Guillermo Barandiaran Gondra-Barandiaram Fundazinoko zuzendariak, Andoni Lariz Bustindui Ziortza-Bolibarreko Udaleko alkateak.

Musikarien aldetik, Asier Polo, biolontxelo eta Koldo Narbaiza Ziortzako Kontzertuak Kultur Elkarteko zuzendaria izan dira aurkezpenean.