XX. Besarkada Sarien izentapenak iragarri ditue

Bizkaie! 2024-08-28 10:33   Kulturea

EAB, Euskal Aktoreen Batasunak, bi urtean behin, afiliazinoaren artean hautatzen diran lankideen interpretazino lanak nabarmentzen ditu antzerki, telebista eta zinema arloetan. Beraz, izentatuen zerrendea, 365 afiliatu profesionalen artean egindako lehen botazinoaren ondorioz eregi da.

Hemen zerrendea:

Antzerkia

- Emakumezko aktoreak:

• Olatz Ganboa, Festen. Teatro Arriaga eta La dramática Errante.
• Aitziber Garmendia, El color de la leche. Tanttaka Teatroa.  
• Garbiñe Intxausti, Forever. Kulunka.

- Gizonezko aktoreak:

• Iñigo Aranburu, Nunca he estado en Dublín. Tentazioa.
• Aitor Borobia, Festen. Teatro Arriaga eta La dramática Errante.
• Kepa Errasti, Posdatarik gabeko gutuna. Xake produkzinoak.

Telebista

- Emakumezko aktoreak:

• Itziar Atienza, Entrevías. Mediaset, Telecinco.
• Aitziber Garmendia, Muertos S.L. Movistar Plus+.
• Itziar Ituño, Detective Touré. EITB / RTVE.

- Gizonezko aktoreak:

• Josean Bengoetxea, Balenciaga. Disney+.
• Koldo Olabarri, Bellas Artes. Movistar Plus+.
• Gorka Otxoa, Machos Alfa. Netflix.

Zinemea

- Emakumezko aktoreak:

• Edurne Azkarate, Irati.
• Ane Gabarain, 20.000 especies de abejas.
• Patricia López de Arnaiz, 20.000 especies de abejas.

- Gizonezko aktoreak:

• Kepa Errasti, Irati.
• Martxelo Rubio, 20.000 especies de abejas.
• Eneko Sagardoy, Irati.

Sari banaketa ekitaldia

Hodei Arrastoa eta Kepa Errasti aktoreek gidoigintzan eta zuzendaritzan parte hartuko dabe eta Alazne Astorgak, Ima Koiotek, Xanti Korkostegik, Mirena Nafarretek eta Jaione Urtasunek aurkeztuko dabe ekitaldia. Zuzendarien berbetan: Hain ezagunak ez diran afiliatuei protagonismoa emon nahi izan deutsagu. Horrek ez dau esan gura beti langabezian dagozanik: kasu batzuetan, publiko zabalago batentzat oso ohikoak edo ezezagunak diran proiektu edo zirkuituetan sartzen dira eta, lan horreen kalidadea nabarmendu nahi dogu.

Ekitaldia Bilboko Campos Eliseos Antzokian izango da, urriaren 2an. Horretarako, Eusko Jaurlaritza, Bizkaiko Foru Aldundia, Bilboko Udala, AISGE, EITB, ESKENA eta EPE-IBAIA alkarte eta erakundeen laguntzinoa izango dabe.