Bueltan dira 'Inguru Minguru' tailerrak

| Ikusi handiago | Argazki originala

Ikasturte barriarekaz batera bueltan dira Inguru Minguru tailerrak. Hain zuzen be, iraila eta urriko barikuetan, Uribe Kostako Zerbitzu Mankomunidadea osotzen daben 7 udalerrietan, 4 urtetik gorako umeei zuzendutako tailer ugari egingo dira.

Helburua da txikienei ingurugiroarekiko errespetua sustatzea, esaterako: baliabide naturalak modu egokian erabiltzearen arduraz sentsibilizatzea, hondakin gitxiago sortzearen garrantzia adierazotea eta birziklatzea eta berrerabiltzea bultzatzea.

Tailerrak lau urtetik gorako umeei zuzenduta dago eta sartzea doban da.

Egutegia

• Irailak 6: Berangoko Moreaga parkean, gel estanpazino tailerra.
• Irailak 13: Lemoizko Urizarreko eskolan, saskiak tailerra.
• Irailak 20: Urdulizeko Antsonekoa Plazan, plater konbinatuak tailerra.
• Irailak 27: Barrika Udaletxeko Plazan, eskumuturrekoak tailerra.
• Urria 4: Sopelako Jauregizar Plazan, oreina maskarak tailerra.
• Urriak 11: Gorlizeko Ibarreta Plazan, jolas birziklatuak tailerra.
• Urriak 18: Urdulizeko Antsonekoa Plazan, loreak tailerra.
• Urriak 25: Plentziako Astillero Plazan, kartoizko txoriak tailerra.