Hamar ibilbide Bizkaiko Txakolina ezagutzeko

| Ikusi handiago | Argazki originala

Bizkaiko txakolina batez be ardao zuri gaztea da, graduazino neurritsukoa, arometan aberatsa, freskoa eta azidotasun atseginekoa. Bizkaia heze eta epelean ohikoak diran baldintza klimatikoek emoten deutse ardaoari ezaugarri horreek, hasieratik berezi bihurtzen dabenak.

Bizkaiko txakolinaren produkzinoaren % 95 baino gehiago ardao zuri freskoa da. Halanda be, merkatuan dagozen hainbat enologoren intuizino egokiari eta lan onari esker, kalidade handiko hainbat bariedade atara ditue: barrikan hartzituak, arrosak eta baita Bizkaiko ardao baltz harrigarri eta etorkizun handikoa be.

Bertako txakolina ezagutzeko, Bizkaiko Txakolina Jatorri Deitureak eta Bizkaiko Foru Aldundiak Bilbo-Bizkaia Txakolinaren Ibilbidea osotzen daben 10 ibilbideak diseinau ditue. Ibilbide horreek, Bizkaiko geografiako leku eta paisaje esanguratsuenak zeharkatzen ditue, txakolinaren bidez.

Ibilbideak

1. 1. Ibilbidea: Bilbo eta txakolinaren urrezko garaia. Bilboko ibilbidean, Bizkaiko uriburuaren benetako esentzian sartzera konbidatzen dau.
2. 2. Ibilbidea: Portutik-portura Bilbo Handian zehar. Leku liluragarri eta interesgarrienetako batzuk bisitetako aukerea izango da.
3. 3. Ibilbidea: Ardaoa, naturea eta paisajeak. Txakolina maite dabenentzat, naturea eta lekuak esploretako aukerea eskaintzen dau.
4. 4. Ibilbidea: Txakolina eta mendi arteko landa-bizitea. Ibilbide horrek, paisaje natural harrigarrien eta tokiko kulturearen arteko konbinazinoa esplororetea eragiten dau.
5. 5. Ibilbidea: naturea, mitologia eta txakolina. Durangaldean zehar, natura oparoa, mitologiaren magia eta txakolinaren kulturea alkartzen dira.
6. 6. Ibilbidea: Itsasotik Lea-Artibaiko mahastietara. Kostaldeko xarmaz betetako ibilbidea deskubridutea.
7. 7. Ibilbidea: ardaogintzea eta kultura-tradizinoa. Enkarterri, produkzinorako benetako harribitxia izan da, Bakio lako kostalde ospetsuenagaz lehiatuz.
8. 8. Ibilbidea: Labarrak, mahastiak eta surf hondartzak; inguru harrigarriak, hondartzak eta formazino geologiko liluragarriak.
9. 9. Ibilbidea: Balea-portuen, parralen eta erreserba naturalen artean. Urdaibaiko Parke Naturalean zehar.
10. 10. Ibilbidea: Mahastiak, torreak eta gazteluak. Txakolina, Erdi Arokoa dan sustraidun edaria, bidelagun onena izango da ibilbide honetan, Erdi Aroko txoko bitxienen enkantuak erakusten diran bitartean.

Ikusi hemen ibilbide guztiak.

Bizkaiko Txakolina Jatorrizko Deitura Babestuak 1994an lortu eban autorpen ofiziala eta ordutik aurrera nortasun handiko ardao moderno baten oinarriak ezarri ditu.

Txakolingintzearen sektoreak etenbako bilakaerea izan dau. Gaur egun, 36 upategi eta marka propioa daben 14 mahats-produkzino batzen ditu. 172 mahastizain Bizkaiko Txakolina Jatorrizko Deitureari atxikita dagoz.