Armañon, Gorbeia eta Urkiolak 23.733 bisitari jaso ditue

| Ikusi handiago | Argazki originala

23.733 personak bisitau ditue Armañon, Gorbeia eta Urkiolako parketxeak aurtongo lehen sei hiletan, hau da, igaz baino % 6,8 gehiagok. Parke naturaletako interpretazino-zentroetara joandako gehienak (% 68,35), ganera, lanegunetan izan dira. Egun horreetan, gehienbat ikasleak bertaratu dira, izan be, hainbat ikastetxek parte hartu dabe Bizkaiko parke naturalen erakargarriak era didaktikoan ezagutarazoteko atondutako jardueretan.

Lanegunetan, guztira, 16.223 bisita egin dira eta jaiegun, zubi eta asteburuetan, 7.510 persona izan dira foru-instalazino horreetan. Bizkai guztiko ikastetxeetako ikasleena da Parketxeetara joan diran kolektiboen artean ugariena: 11.032 ikaslek hartu dabe parte prestautako ibilbide didaktikoetan. Beste 3.794 persona, talde atonduetan bertaratu dira eta gainerakoak, 8.907, euren kabuz joan dira.

Armañonek 8.982 bisitari izan ditu

Armañongo interpretazino-zentroak izan ditu bisitari gehien aurtongo lehen seihilekoan. Guztira 8.982 persona joan dira bertako instalazinoetara, batez be bagilean (2.479), martian (2.001) eta maiatzean (1.696). Ganerako parketxeetan ez bezala, zentrora euren kabuz joan diran personek egin ditue bisita gehienak (3.623). Kopuru horrek gitxigatik gainditzen ditu eskola-taldeetan joandako 3.359 ikasleak. Ganerako talde atonduek 2.000 lagun batu ditue.

Gorbeia da bisita gehien izan ebana apirilean

Gorbeiakoa da bisitari gehien izan dituan hurrengo parketxea (7.686). Nabarmendu behar dira, instalazinoetara joandako 87 ikasle-taldeak. Apirilean (1.515 pertsona) eta maiatzean (1.438) izan zituan bisitari gehien.

Urkiolak beste bi parketxeek baino eskola-talde gehiago jaso ditu

Urkiolako parketxeak jaso ditu eskola-talde gehien (89 guztira); horrenbestez, bertan izan dira heziketa-programean parte hartu daben ikasle gehienak (3.951). Kolektibo horrek presentzia handia izan dau urteko lehen seihilekoan jasotako bisiten zenbaketa orokorrean (7.065). Gainerako parketxeetan bezala, euren kabuz joandako personak gehiago izan dira talde atondu baten barruan joan diranak baino: 2.011 eta 1.103, hurranez hurran. Maiatzean (1.501) eta bagilean (1.286) erregistrau ziran bisita gehien.