'Derioko baserriak, izena eta izana'

| Ikusi handiago | Argazki originala

Labayru Fundazioak egindako lana da, Derioko Udalaren eskariz. Liburuan Derioko baserrien katalogoa egin dabe, gure izana, gure izaerea dalako, eta ez dgulako galdu gura.

Derioko baserriak - Izena eta izana izeneko liburua Derioko Kultura Birikan aurkeztu dabe. Baserria euskal kulturearen zutabe eta ardatzetako bat da, euskereagaz batera: oinarrizko gizarte-erakundea da, bizimodua eta lana batzen dituana, eta mendez mende pertonei identidadea emon deutsena. Abizen gehienak baserrien izenetatik datoz.

Baserrien jatorriko izentapenak gaur egun auzo-izen edo abizen bihurtuta dagoz. Baserriak emoten deusku izena eta horregaitik dauka liburu-bilduma honek Izena eta izana azpi-deiturea. Xalbador bertsolariak Sortetxeari egindako bertsoetan esaten dau: Munduko leku maitena, zuri zor dautzut naizena: izana eta izena.

Aurkezpenean, Nerea Etxebarriak eta Igone Etxebarriak parte hartu dabe lana egiteko prozesuaren barri emonez: toponimia gizarteratzeari buruzko garrantzia, bibliografiaren zehetasunak, baserrien tipologia eta ezaugarriak...