Gracia Querejeta zuzendariaren 'Olimpia' telesaila grabauko dabe Getxon

| Ikusi handiago | Argazki originala

Gracia Querejetak zuzendutako Olimpia telesaileko eszena batzuen filmaketea dala eta, astelehenean eta martitzenean, garagarrilak 8 eta 9, Algortako Portu Zaharreko puntu bitan aparkalekuak erreserbauko dira.

Erreserbea aparkaleku txikian izango da, astelehenetik, hilak 8, 18:00etatik, martitzenera hilak 9, 20:00etara. Horreezaz gan, hilaren 9an, Karitatea kaleko 14. zenbakian, aparkalekuko 40 metro lineal okupauko dira oinezkoentzat.

Udaltzaingoak aurrez aurreko zerbitzuak egingo ditu ekitaldian, herritarren segurtasuna bermatzeko.

Olimpia

Olimpia Disney+-eko droga-trafikoari buruzko Espainiako lehen telesaila da. Espainiako narkotrafikatzaile bati buruzko benetako istorio batean oinarritutako fikzinoa da. Sei atal izango ditu eta hiru emakumek zuzenduko dabe: Gracia Querejeta, Violeta Salama eta Claudia Pedraza. Aktore nagusia Zaira Romero da (Carmen eta Lola, La novia gitana eta Amar es para siempre).