Durangoko Hezkuntza Foroak herritarrei zuzendutako dekalogoa aurkeztu dau

| Ikusi handiago | Argazki originala

Dekalogoa 2023ri ekin eutsen, herri inklusiboa, segurua eta errespetuzkoa sustatzeko helburuari eutsiz.

Durangoko Hezkuntza Foroak, ikastetxe, guraso alkarte, alkarte, kirol klub eta ordezkari politikoen arteko alkarlanaren emoitzea dan durangar guztiei zuzendutako dekalogoa aurkeztu dau. Foroa, 2022tik dabil lanean eta Durangon hezkuntzarako eta bizikidetzarako funtsezko dokumentua sendotzea lortu dau.

Ondokoak dira dekalogoaren hamar puntuak:

1. Herri segurua: Durangok persona guztientzako leku abegikor eta segurua izateko konpromisoa hartzen dau.

2. Naturea eta nortasuna jagotea: ondarea, kulturea, historia eta euskerea, geure hizkuntzea, konserbau eta sustatzea.

3. Pertsonen duintasuna sustatzea: justizia sustatzea eta jokabide desegokiak baztertzea.

4. Tratu onak sustatzea:

• Inklusinoa: ingurune abegikorra sortzea, jatorria eta sinismenak baztertuz.
• Enpatia: besteen ikuspuntuak eta sentimenduak ulertzea eta baloretea.
• Errespetuzko hizkuntzea: berbazko jazarpena eta indarkeria ebitetea.
• Aniztasuna autortzea: ezbardintasunak ospatu eta errespetetea.
• Tolerantzia: besteak diran bezela onartzea eta eretxiak errespetetea.

5. Alkartasuna: behar dabenei laguntzinoa emotea.

6. Ekosistemea jagotea: jasangarritasuna eta ohitura osasungarriak sustatzea.

7. Parte-hartzea eta lana bultzatzea: parte-hartze aktiboa eta talde-lana sustatzea.

8. Beharrak hobetzea: beharrak identifikau eta hobetzea.

9. Harrotasuna: komunidadearen lorpenak alkarregaz ospatzea.

10. Balioak bizitea: balio horreek udalerriaren barruan eta kanpoan erabiltea.

Dekalogo horrek protagonismoa emon nahi deutso Hezkuntza Foroari herritarren sozializazinoan. Pausu esanguratsua da, ekimena ikastetxeetatik herritar guztiakana heldu baita.

Hurrengo pausua dekalogoa ezagutarazotea da, herritar guztiek ezagutu deien. Holan, Durangoko hainbat tokitan ploterrak jartea planteau da, esaterako, ikastetxeetan.

Hezkuntza Foroak beste ekintza garrantzitsu batzuk lantzen jarraituko dau, besteak beste, urriaren 31n egingo dan Gaba Baltza edo Kirol Eguna. Ekitaldi horreek, Durangon kohesinoa eta ondoizatea indartzeko estrategia integralaren parte dira.