Bittor Arginzonizen Etxebarri Erretegia, munduko bigarren onena

Atxondoko Etxebarri Erretegia. | Ikusi handiago | Argazki originala

The World's 50 Best Restaurants zerrendan, Mateu Casañas, Oriol Castro eta Eduard Xatruch sukaldariak buru dituan Bartzelonako Disfrutar jatetxea da munduko onena.

Euskal jatetxeei jagokenez, Atxondoko Etxebarri Erretegiaz gan (2. postuan), Getariako Elkano Jatetxea 28. postura eroan dabe atontzaileek eta, beraz, euskal jatetxe bi dagoz munduko 50 onenen artean.

Larrabetzun (Bizkaia) kokatuta dagoan Eneko Atxaren Azurmendi Jatetxea zerrendatik kanpo geratu da; aurreko edizinoan 81. postuan kokatu eben baina aurten ez da agiri nazinoarteko jatetxe onenen artean.

David Muñozen Diverxo (Madril) jatetxeak aukera ugari zituan munduko onena saria irabazteko, izan be, hirugarren postuan kokatu eben 2023an baina, aurten, atzera egin eta laugarren postuan kokatu dabe adituek.

AEBko Las Vegas urian goizaldean egindako ekitaldian jakinarazo dabe zerrenda osoa.