13.433 ikasle Unibersidadera Sartzeko Ebaluazinoan

| Ikusi handiago | Argazki originala

Euskal Autonomia Erkidegoko Batxilergoko 12.073 ikaslek eta Lanbide Heziketako goi mailako heziketa ziklo bat egin daben 849k Unibersidadera Sartzeko Ebaluazinoa (USE) hasiko dabe bagilaren 5an, Euskal Herriko Unibersidadean. Guztira, 13.433 ikasle dira, igaz baino % 0,2 gehiago.

Datorren astean USE egingo daben Batxilergoko eta LHko ikasle horreek campuska banatuko ditue; 1.762 Arabako Campusean egongo dira, 6.291 Bizkaikoan eta 4.786 Gipuzkoakoan, beste 83 ikasle ez dagoz campus batera atxikita. Hizkuntzeari jagokonez, batxilergoko ikasleen % 77.21-k (9.322 ikasle) euskeraz egingo dabe probea, eta % 22.79-k (2.751) gaztelaniaz. Lanbide Heziketako goi mailako heziketa ziklo bat egin daben ikasleei jagokonez, % 55.48-k (471) euskeraz egingo dabe probea, eta % 44.52k (378) gaztelaniaz.

Unibersidadera Sartzeko Ebaluazinora aurkezten diran ikasleen % 57.84 (7.474) emakumeak dira eta % 42.16 (5.448) gizonak.

Probak eta emoitzak

Betiko lez, USE hiru egunetan egingo da, bagilaren 5etik 7ra arte. Azterketei jagokenez, pandemian sortutako egitura malguari eutsi jako. Edizino honetako barritasun bakarrak ondokoak dira: Hezkuntzearen Lege Organikoa (LOMLOE) aplikauta, aurten ikasleek Espainiako Historiako azterketa edo Filosofiaren Historiako azterketa egitea aukeratu ahal izango dabe eta, ganera, hautazko eta modalidadeko irakasgaien kopurua 30 ikasgaira igo da eta horrek epaimahai bat gehiago eratzea ekarri dau.

Proben emoitzak bagilaren 13an, eguerdiko 12:00etan, argitaratuko dira.

Datuak

* Campusetara atxikita ez dagozan baina EHUn azterketea egiteko eskatu daben ikasleak.