Korrika-ko ordezkaritza batek Ar Redadeg ekimenean parte hartu dau

| Ikusi handiago | Argazki originala

Korrika-ren ahizpa txikietako batean parte hartu dabe gaur, Ar Redadeg, Bretoieraren aldeko lasterketearen 9. edizinoan baitabiz egunotan, maiatzaren 17tik 25era.

Atzo abiatu zan Euskal Herritik Korrika-ren ordezkaritza bat, gaur goizean goiz Nantes inguruan 746. kilometroan parte hartzeko.

Korrika-gaz hartu-emon estuak ditu Ar Redadeg eta La Passem ekimenean egin bezela, kilometro bat eskuratu eta babesa eta alkartasuna adierazo deutsee bretoierearen aldeko lasterketeari, hareek be Korrika-ko aurtengo edizinoan egin legez.

Ane Elordik, Korrika-ko arduradun nagusiak azaldu dauenez, garrantzitsua da hizkuntza gitxituen arteko sarea osotzea, eurak be Baionan egon ziran, okzitaniarrakaz batera, hiruron artean hartu-emonak ditugulako eta gure asmoa eta erronkea da sare hori gero eta indartsuagoa izatea, besteak beste, hizkuntza hegemonikoen aurrean zelan jokatu eta estrategia bateratu bat osotzeko.