Aiala Irurtiak irabazi dau hirugarren kanporaketea
2024-05-16 08:10 BertsolaritzeaErabagita geratu da finaleko zortzikotea.
![](https://media.bzkcdn.com/argazkiak/TJ/cache/1_content.jpg)
Bizkaiko Eskolarteko Txapelketako azken kanporaketea jokatu dabe Igorren. Puntu gehien batu dituan bertsolaria Aiala Irurtia izan da, eta beraz, finalerako txartel zuzena lortu dau.
Ondoko sei gazteak izan dira protagonistak:
- Iradi Barrenetxea.
- Enara Gallastegi.
- Garazi Ibarretxe.
- Aiala Irurtia.
- Iraia Lauzirika.
- Ekhi Zuluaga.
Gai-jartzaile lanetan Iñaki Iturriotz ibili da eta epaimahaia Miriam Juaristi, Mirari Azulak eta Jon Martinezek osotu dabe. Idazkaria, barriz, Ander Elortegi izan da.
Bizkaiko Eskolarteko bat-bateko txapelketak hiru kanporaketa izan ditu, eta puntu gehien batu dituen zortzi bertsolari ondokoak izango dira:
- Aiala Irurtia.
- Ekhi Zuluaga.
- Enara Gallastegi.
- Garazi Uriarte.
- Iradi Barrenetxea.
- Kelmene Abaitua.
- Naroa Iturrioz.
- Naroa Jaio.
Finala maiatzaren 25ean jokatuko da Arrigorriagako eskolan. Egun osoko jaia atondu dabe: goizean Bizkaiko eskolarteko idatzizko txapelketearen finala izango da, ondoren bat-batekoaren finala eta bazkaria eta gero, Bizkaiko taldekako bertsolari txapelketearen finalaurrekoak eta finala. Bazkarirako txartelak hemen dagoz eskuragarri.
Erantzun
Erantzuteko, izena emanda egon behar duzu. Sartu komunitatera!